Asosiy mavzular
17 aprel 2018

Mirziyoev “toqatsizlik”ni targ‘ib qilmoqchimi?

O‘zbekiston prezidentining diniy-ma'rifiy soha faoliyatini tubdan takomillashtirish chora-tadbirlari to‘g‘risidagi farmonida soha rivojining ustuvor yo‘nalishlari xususida to‘xtalib o‘tilgan.

Farmondan iqtibos: “Jamiyatda milliy va diniy qadriyatlarimizga yot bo‘lgan g‘oyalarga nisbatan TOQATSIZLIK MUHITINI shakllantirish”. (Toqatsizlik muhitini shakllantirish ustuvor yo‘nalish deb belgilanibdi, xullas.)

O‘zbekiston Konstitutsiyasidan iqtiboslar:

“O‘zbekiston Respublikasida ijtimoiy hayot siyosiy institutlar, mafkuralar va fikrlarning xilma-xilligi asosida rivojlanadi. Hech qaysi mafkura davlat mafkurasi sifatida o‘rnatilishi mumkin emas” (12-modda).

“Har kim fikrlash, so‘z va e'tiqod erkinligi huquqiga ega” (29-modda).

“Hamma uchun vijdon erkinligi kafolatlanadi. Har bir inson xohlagan dinga e'tiqod qilish yoki hech qaysi dinga e'tiqod qilmaslik huquqiga ega. Diniy qarashlarni majburan singdirishga yo‘l qo‘yilmaydi” (31-modda).

“Vijdon erkinligi va diniy tashkilotlar to‘g‘risida”gi qonundan iqtibos:

“O‘zbekiston Respublikasi fuqarolari dinga munosabatidan qat'i nazar, qonun oldida tengdirlar. Rasmiy hujjatlarda fuqaroning dinga munosabati ko‘rsatilishiga yo‘l qo‘yilmaydi. Fuqarolarning dinga munosabatiga qarab ularning huquqlarini har qanday cheklash va ularga bevosita yoki bilvosita imtiyozlar belgilash, dushmanlik va adovat uyg‘otish yoxud ularning diniy yoki dahriylik e'tiqodi bilan bog‘liq his-tuyg‘ularini haqoratlash, diniy ziyoratgohlarni oyoq osti qilish qonunda belgilangan javobgarlikni keltirib chiqaradi” (4-modda).

“O‘zbekiston Respublikasida din davlatdan ajratilgan. Hech bir dinga yoki diniy e'tiqodga boshqalariga nisbatan biron-bir imtiyoz yoki cheklashlar belgilanishiga yo‘l qo‘yilmaydi” (5-modda).

O‘zbekiston Respublikasi Jinoyat kodeksidan iqtibos:

“Milliy, irqiy, etnik yoki diniy mansubligiga qarab, aholi guruhlariga nisbatan adovat, murosasizlik yoki nifoq keltirib chiqarish maqsadida milliy sha'n-sharaf va qadr-qimmatni kamsitishga, diniy e'tiqodiga yoki dahriyligiga qarab fuqarolarning his-tuyg‘ularini haqoratlashga qaratilgan qasddan qilingan harakatlar…” (156-modda).

Ayni shu farmonning o‘zidan yana bir iqtibos:

“Jamiyatda BAG‘RIKYeNGLIK, O‘ZARO HURMAT, mehr-oqibat, tinchlik va totuvlikni, ijtimoiy-ma'naviy muhit barqarorligini ta'minlashda diniy-ma'rifiy soha vakillarining daxldorlik hissi va ishtirokini yanada oshirish”. (Toqatsizlikmi yoki bag‘rikenglik, qaysi biri?)

Farmonda ustuvor yo‘nalishlar belgilanar ekan, yana bir jihatga e'tibor qaratiladi.

Iqtibos: “Diniy va dunyoviy bilimlar uyg‘unligini rivojlantirish asosida ta'lim sifatini oshirish, diniy-ma'rifiy sohada malakali kadrlarni tayyorlash, qayta tayyorlash va malakasini oshirishning yaxlit tizimini yaratish”.

“Vijdon erkinligi va diniy tashkilotlar to‘g‘risida”gi qonundan iqtibos:

“O‘zbekiston Respublikasida ta'lim tizimi dindan ajratilgan. Ta'lim tizimining o‘quv dasturlariga diniy fanlar kiritilishiga yo‘l qo‘yilmaydi” (7-modda).

So‘zim so‘nggida Konstitutsiyadan yana bir iqtibos:

“Prezident O‘zbekiston Respublikasi Oliy Majlisi yig‘ilishida quyidagi qasamyodni qabul qilgan paytdan boshlab o‘z lavozimiga kirishgan hisoblanadi”.

«O‘zbekiston xalqiga sadoqat bilan xizmat qilishga, respublikaning Konstitutsiyasi va qonunlariga qat'iy rioya etishga, fuqarolarning huquqlari va erkinliklariga kafolat berishga, O‘zbekiston Respublikasi Prezidenti zimmasiga yuklatilgan vazifalarni vijdonan bajarishga tantanali qasamyod qilaman» (92-modda).

Xurshid Yo‘ldoshev,
mustaqil blogger
eltuz.com

Tag‘in o‘qing
25 avgust 2018
14 avgust kuni Xonqa tumanining Qoraqosh qishlog‘idagi Yangiariq tumaniga o‘tuvchi ko‘prikning bir qismi qulab tushgan. Yuk mashinasi haydovchisi shifoxonada. ...
3 fevral 2020
Komil Allamjonov va Saida Mirziyoevaning OAV va blogerlarni qo‘llab-quvvatlash maqsadida tashkil etilgan yangi jamoat fondi vasiylik kengashi rahbarligiga tayinlanishi ...
10 aprel 2020
Zamonaviy o‘zbek romanchiligi va satira janri asoschisi Abdulla Qodiriy (Julqunboy) 1894 yil 10 aprelda Toshkentda tug‘ildi. «Har holda bemavridroq ...
20 sentyabr 2016
O‘zbekistonda prezident Karimov ma'rakalari tugashi bilanoq aholini paxta dalalariga ommaviy safarbar qilish boshlandi. Birinchilardan bo‘lib, 7-8 sentyabr kunlari, paxta ...
Bloglar
2 iyul 2020
6-sinfda o‘qirdim, Kampuchiyada davlat to‘ntarishi bo‘lib hukumatga Pol Pot rahbarligidagi “Qizil kxmerlar” kelganini, ular butun ...
25 iyun 2020
​​Xalqaro press-klubda matbuot anjumani bo‘lib o‘tibdi, unda Inson huquqlari bo‘yicha Milliy markaz direktori Akmal Saidov ...
21 iyun 2020
(bo‘lgan voqea) Tarjimon sifatida Rossiyaning militsiya bo‘limlaridan biriga chaqirishgan edi. Bo‘limda jinoyatchi sifatida gumon qilingan ...