O‘zbek palovi eng zo‘r ko‘cha ovqati o‘ntaligiga kirdi

Britaniyaning «Gardian» (the Gardian) gazetasi dunyodagi eng yaxshi ko‘cha ovqatlari ro‘yxatini e'lon qildi. Gazetxonlarning gastronomik ta'biga ko‘ra, o‘zbek palovi ro‘yxatdagi o‘ntalikdan o‘rin olgan. Maqolada O‘zbekistonga sayohat qilgan Robning fikri keltiriladi:

«O‘zbekistonning qaerida bo‘lmang, palov pishayotgan ulkan qozon uzoqda emasday tuyuladi. Uni ochiq olov ustida pishirishadi. Asosiy masalliqlari guruch, go‘sht va sabzavot. Mening sevadiganim to‘y paloviga tag‘in no‘xat bilan kishmish qo‘shiladi. Toshkentning bozorida adashib yurganimizda, uzun o‘rindiqda tushlikka o‘tirgan bir guruh ishchilar ulkan likobchaga suzilgan shunday forsiy taomdan tatib ko‘rishni taklif etishdi. Mehmondo‘st mamlakatning ajoyib o‘rnagi».