Asosiy mavzular
12 oktyabr 2018

Andijonda askarlar harbiy xizmatni paxta dalasida o‘tashmoqda

O‘zbekiston harbiy qismlaridan biridagi askarning «Eltuz»ga bildirishicha, ular vaqtli harbiy xizmatni Andijon viloyati dalalarida paxta terish bilan o‘tashmoqda.

Yotoqda paxta terayotgan va kunlik terimga borib kelayotgan terimchilar orasida 1 yillik harbiy xizmatdagi askarlar, 5 yillik shartnoma asosida ishlaydigan harbiy xizmatchilar va hatto 1 oylik harbiy xizmatga chaqirilganlar ham bor.

Ayniqsa, 1 oylik xizmatga chaqirilganlar harbiy xizmat davri boshlangandan buyon paxta termoqda, 1 oylik xizmat o‘tovchilarning ayrimlari aynan paxta terimi mavsumi uchun chaqirilgan.

«Xo‘jaobod tumani dalalarida ayni kunda 400 ga yaqin askar paxta teryapti. Umuman, Andijondagi barcha harbiy qismlardan askar va xizmatchilar paxta terimiga yuborilgan», – deydi harbiyga chaqirilib, paxta terimida qolayotgan askar.

Uning bilirishicha, ulardan paxtaga borishni xohlash yo xohlamasligi xaqida so‘rab o‘tirilmagan. «Eltuz» manbasining aytishicha, ular umumiy buyruqqa ko‘ra, “ko‘ngilli bo‘lib yordam berish” niqobi ostida paxta dalasiga yuborilganlar.

«Biz Ulug‘nor tumani dalalarida paxta teryapmiz. 100 kg dan kunlik norma belgilangan. Lekin buncha paxtani terishning iloji yo‘q, hozirda 60-70 kilo atrofida paxta teryapmiz, xolos. Normani bajarmaganlar harbiychasiga jazolanadi. Shuning uchun yonimizda paxta terayotgan ilg‘or terimchi opalardan 1 kg paxtani 800 so‘mdan sotib olamiz va qo‘shib topshiramiz. Paxta terayotganimizga 20 kundan oshdi. 2-3 kundan so‘ng harbiy qismga ketib safga tayyorgarlik ko‘ramiz va harbiy qasamyod qabul qilamiz, qarabsizki, xizmat tugaydi. Eng yomoni, harbiy xizmat deganda paxta yig‘im-terimi haqidagi taassurotlar bilan qolamanmi endi, deb alam qilyapman. Afsus, bunday bo‘ladi, deb o‘ylamagan edim», deydi ismi-sharifini aytishni xohlamagan askarlardan biri.

Xo‘jaobod tumani adirlarida paxta terayotgan askarlardan birining ma'lum qilishicha, 7-8 oktyabr kunlari havo juda sovib ketgan, qor aralash yomg‘ir yoqqan.

Yog‘in tinganidan so‘ng ular yana dalaga paxta tergani yuborilganlar. Askarlar sovuqda qorinlari tez-tez ochib ketayotganligi va to‘ymayotganidan nolishgan.

Ayrimlar uyidan non va ovqat olib kelishlarini so‘rab qo‘ng‘iroq qilganlar.

«Paxta yig‘im-terimi biz uchun qachongacha davom etishi ma'lum emas», – deydi dalada qolayotgan askar yigit.

Eltuz.com

Tag‘in o‘qing
17 avgust 2021
Prezidentni tanqid qilgan Valijon Kalonov ikki kundan buyon so‘roqda  Jizzax viloyati Zarbdor tumanidagi “Taraqqiyot” MFYda yashovchi 52 yoshli Valijon ...
14 sentyabr 2020
O‘zbekistonda aholi yalpi daromadining 27 foiz oshgani haqida «O‘zbekiston 24» telekanali orqali berilgan xabar ijtimoiy tarmoqda ajablanish bilan qarshi ...
5 oktyabr 2018
Rossiya telekanaliga berilgan intervyu mazmuni USM Holdings asoschisi, Rossiyaning eng boy o‘ntaligiga kiruvchi Alisher Usmonov Rossiya kanalining «Deystvuyuщie litsa» ...
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq vaqt davom etgan mustamlakasidan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...