Asosiy mavzular
23 oktyabr 2018

Rossiyaning MGIMO filiali xavotiri

O‘zbekistonda xorijning nufuzli universitetlari filiallari ochilishi ko‘pchilikni quvontiradi. Har holda bu filiallarda ta'lim sifati, bilim berish darajasi mahalliy oliy o‘quv yurtlaridagidan yaxshiroq bo‘ladi.

Ammo Rossiya prezidenti Vladimir Putinning Toshkentga rasmiy tashrifi doirasida O‘zbekistonda Moskva davlat xalqaro munosabatlar instituti – mashhur MGIMOning filiali ochilishi haqida bitim imzolangani nazarimizda aksariyatimizni hushyorlantirishi kerak.

Hushyor tortishimizga esa sabablar bisyor. Avvalo, MGIMOning qanday oliygoh ekanini sohani tushunadigan kishilar yaxshi biladi.

Ya'niki bu institut Rossiya tashqi siyosatini yurituvchi kadrlar tayyorlab beradi. Bundan ortgani ham Rossiyaning boshqa idoralarida tashqi aloqalarga oid masalalar bilan shug‘ullanuvchi kadrlar bo‘lib yetishadi.

O‘z-o‘zidan, bu institut bitiruvchilari Rossiya razvedkasida alohida o‘rin tutadi.

Endi shu institut O‘zbekistonga kadrlar tayyorlab bermoqchi.

Mana shunisidan hushyor tortmog‘imiz darkor nazarimizda. Ertaga tashqi siyosatimiz jilovi Rossiya tayyorlagan kadrlar qo‘lida qolishidan xavfsirashimiz kerak.

Unutmaylik, Rossiyadan tabiatidan kelib chiqilsa, u albatta bu institut talabalaridan o‘zi uchun ayg‘oqchilar yasashga urinib ko‘radi.

To‘g‘ri, boshqa soha odamlarini ham yollash amaliyoti bor. Lekin MGIMO talabalari aynan tashqi siyosat kadrlari sifatida tayyorlanishini hisobga olganda, ularni yollash ruslar uchun foydaliroq bo‘ladi.

Balki O‘zbekiston bu filialni bitirganlarni tashqi siyosat idorasiga yaqinlashtirmaydi, ulardan boshqa idoralarning xalqaro aloqalar bo‘yicha mutaxassislari sifatida foydalanar, deb hisoblaylik.

Xo‘sh, bu idoralarimizda davlat siri bo‘lmaydimi?

O‘zbekistonda Rossiyaning agrar sohaga ixtisoslashgan oliygohlari filial ochsa yaxshi. Metall qotishmalari bo‘yicha mutaxassis tayyorlab bersa ham yaxshi.

Ammo tashqi siyosat bo‘yicha kadrlarni tayyorlashni Rossiya institutiga ishonib topshirishni yana bir bor chuqur o‘ylab ko‘rish kerak nazarimizda.

Qolaversa, o‘zimizda tashqi siyosatimiz va xalqaro aloqalar uchun kadrlab tayyorlab beruvchi O‘zbekiston jahon iqtisodiyoti va diplomatiya universiteti bor.

Biz, birinchi navbatda, mana shu universitetning salohiyatini yuksaltirish yo‘lidan borishimiz kerak.

Yaxshi ko‘ringan har qanday xo‘rak ham qopqonsiz emasligini esdan chiqarmaylik.

Sardor Azim
Eltuz.com

Tag‘in o‘qing
10 iyul 2017
7 iyul kuni Toshkentdagi Xalqaro press-klubda o‘qituvchilarni, kasblariga aloqasiz turli majburiy mehnatlarga muttasil jalb etilishi masalasi ko‘tarildi. Jurnalistlarning savollariga ...
26 dekabr 2018
2018 yilning 26 dekabri kuni tarmoqda qop ko‘targan guras-guras Qorbobolarning fotosuratlari paydo bo‘ldi. Ayrim suratlarda Qorbobo kiyimidagi o‘smirlarning Buvayda ...
7 aprel 2020
Koronavirus sharoitida ko‘rpaning qatidagi pullar asta xarj bo‘lyapti. Kambag‘al uch-to‘rt so‘m pulini taxmonga yig‘ilgan yangi ko‘rpaning qatida yoki uyi ...
15 noyabr 2018
O‘zbekistonda ba'zan «yutub», ba'zan «feysbuk» kanallari uzilishidan shikoyatlar ortmoqda. 15 noyabr kuni «Eltuz» nashri Downdetector sayti orqali «yutub» kanalidagi ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...