Catira
10 noyabr 2018

O‘gay hukumatni odamlar nega sevishi kerak?

O‘zbekiston mustaqil bo‘lgan 1991 yildan to shu bugunchaga bu mamlakat hukumati chet elda boshiga ish tushgan birorta vatandoshini himoya qilmadi.

O‘zbek vatandoshlarini taqirbosh irqchilar o‘ldirsa ham, haqorat qilinsa ham O‘zbekiston hukumati uning tarafini olib bir og‘iz so‘z aytmadi. Millionlab o‘zbek o‘z mamlakati elchixonasi xodimlari tomonidan muttasil talandi, xo‘rlandi va kamsitildi.

O‘zbekiston o‘z vatandoshlari pasportiga chiqish vizasini qo‘yadigan yagona, moxov davlat sifatida qolmoqda. Go‘yoki O‘zbekiston ochiq osmon ostidagi qamoqxona. O‘zbekistonni boshqargan bir guruh sobiq kommunistlar esa uning boyligini imkon qadar ko‘proq o‘g‘irlash uchun kunu tun tirishishdi.

Odamlar gaz va elektr bemalol bo‘lgan sovet davrini sog‘ina boshlashdi. Xalq uchun tabiat ato qilgan gazni ko‘tarasiga Xitoyga sotgan oz sonli korruptsioner mulozimlar katta “otkat”lar olib boyigandir-u, ammo butun bir millat sovuqda dirdirashga mahkum qilindi. Mustaqillik oddiy odamlar nazdida faqat azobu uqubat va yo‘qsillikni tamsil qildi.

O‘zbekistonni boshqarganlarning oltin zakarli bolalari esa bu mamlakatni o‘marishni o‘ylashdi-yu, laoqal tilini ham o‘rganishmadi. Mamlakat boshida 27 yil turgan Karimovning ikki qizi, bir o‘g‘li va nabiralari o‘zbek tilida gapirmaydi.

Boshqa mulozimlar pushti kamaridan bo‘lganlar ham rusiyzabonlikni oliy martaba sifatida ko‘rishdi va ularni boyitgan el tilidan oshkora hazar qilishdi. Zotan, boshqaruv elitasidagilar o‘zbek tilidan va fe'lan mamlakat mustaqilligidan hazar qilgan kriminal to‘da edi, xolos.

Bugun Safoevu Barnoev kabi mulozimlar rus millatchisini non va tuz bilan qarshilamoqda. Bu vaziyatda oddiy xalqdan ne ta'ma? Nima ko‘rdi u mustaqillikdan?

Bu hukumat, bu davlat uni himoya qildimi? Unga odam kabi yashash, erkin harakat qilish huquqini ham ravo ko‘rmaydigan o‘gay hukumatni oddiy odamlar nega sevishi kerak?

Otabek Usmon,
mustaqil bloger

Tag‘in o‘qing
16 iyul 2016
Askar chekila boshladi… – Xo‘p, nima bo‘ldi? – Suriyaliklarga vatandoshlik masalasi kun tartibidan tushdi… – Erdo‘g‘anni oliy ma'lumot olmagani ...
6 noyabr 2016
Shanba ertalab joni uzilgan Abdulla Oripov toshkentliklar kommunist-mozor deb aytadigan Chig‘atoy qabristoniga dafn qilinishini Eltuz.com manbalari tasdiqladi: “Shoir jasadi ...
8 iyul 2016
Toshkentdagi Nizomiy nomidagi peduniversitetning 1940-yillarda mashhur arxitektor Ye.Jmuyda loyihasi asosida qurilgan binosini ta'mirlash bahonasida vayron qiliniyotgani ijtimoiy tarmoqda baxslarga ...
29 yanvar 2016
O‘zini “Millat peshvosi”, xotinini “Islom ayollari peshvosi”, o‘g‘lini korruptsiyachilar peshvosi qilib belgilagan Imomali Rahmon qizi Ozodani prezident ma'muriyati rahbari ...
Bloglar
8 mart 2021
Bundan o‘n yillar oldin, bahorning eng yoqimli pallasi – aprel oyining o‘rtalari edi, Olmaotaga qarab ...
2 mart 2021
Bir og‘aynim qo‘qqisdan men haqimda daholarcha bashorat qilib bunday deb qoldi: Kerak bo‘lsa, ming foiz ...
25 fevral 2021
Bolaligimda mendan 5-6 yosh katta qo‘shni kaptarvoz bola bo‘lardi. Ko‘pincha kaptarlari bizning hovlimizga uchib kelib ...