Asosiy mavzular
28 noyabr 2018

Qo‘shiqchi Sevara Nazarxon «sunna tibbiyoti»ni reklama qilmoqda

Taniqli o‘zbek xonandasi Sevara Nazarxonni mahalliy TVda va boshqa joylarda namoyish etilayotgan reklama roliklarida ko‘p uchratish mumkin. Uning hamma taniydigan chehrasi shahardagi bannerlar, turli OAVlarning reklama bukletlarini bezab turibdi.

So‘nggi vaqtlarda esa ijtimoiy tarmoqlar foydalanuvchilari Sevaraning internet, jumladan, Instagramda kuchayib borayotgan bir reklama faoliyatiga e'tibor qaratmoqda. Ya'ni u “arab tibbiyoti” va “sunna bo‘yicha yashash”ni zo‘r berib targ‘ib qilmoqda, deb yozdi “Aziya Terra” Internet nashri.

Sunna bo‘yicha yashash deganda Qur'on aqidalari va islom dini asoschisi hayotiga mos ravishda yashash tushuniladi.

“Sunna bo‘yicha yashash”ning asosiy mahsulotlaridan biri sifatida Sevara, masalan, “Talbina” (suli uniga sut va asal qo‘shib tayyorlanadigan to‘yimli yegulik)ni reklama qilmoqda. Xonandaning Instagramdagi yozuvlariga qaraganda, bu uning ukasining biznesi va taniqli opa unga o‘z mahsulotlarini iste'molchilarga targ‘ib qilishga yordam beryapti.

Sharh qoldirayotganlarning aksariyati Sevara Nazarxon kabi yuksak maqomdagi mashhur kishilar uchun soxta ma'naviyat (oddiy qilib aytganda, aldamchilik, lo‘ttibozlik bilan pul ishlash) begona emasligini afsus bilan ta'kidlashmoqda.

“Ilgari ruhoniylar ibodatga keluvchilarga qandaydir shaqildoqlarini sotgan bo‘lsa, endi oddiy tadbirkorlar ham sizni aynan uning mahsulotini sotib olish xudoga yoqadigan haqiqiy ishligiga ishontirish uchun o‘z mahsulotlarini tiqishtirmoqda,- deb yozdi o‘zining FBdagi sahifasida filolog Rafael Sattorov. – Meni taniqli va talantli xonanda Sevara Nazarxon o‘z Instagramida bloklagan kunlarga ham yetib keldim. (…) Men u yerda diniy mavzuda o‘zini piar qilish va “Talbina” nomli feyk loxotronni reklama qilish talantli aktrisaga yarashmaydi, deb yozgandim. Aytsam ishonmaymiz, “Talbina” mahsulotini sotib olish va iste'mol qilish sunna bo‘yicha yashashni anglatar ekan. Bunaqa amalni men avval eshitmagandim, ammo ajablantira boshlayapti”.

Yana Rafael Sattorov: “Biz ularning reklamadan pul topishini emas, balki savdo-sotig‘ida din mavzusidan yuzsizlarcha foydalanayotganini qoralayotirmiz. Ha, din va siyosat aralashib ketganda inkvizitsiya boshlanadi, deb Kamyu to‘g‘ri aytgan edi”, deb qo‘shimcha qildi.

Foydalanuvchilarning bildirishicha, Sevara Nazarxon faqat uning yozganlarini maqtayotgan sharhlarni qoldirib, tanqqidiy kayfiyatdagi mualliflarni bloklamoqda.

Biroq “mo‘mina”lik xonandaning o‘z tanasiga turli tatuirovkalar chizdirishiga (“O‘zbeknavo” mentalitetga “mos kelmaydigan” bunday o‘zini namoyon etishlarga qanday munosabat bildirishini bilish qiziq bo‘lardi) mone'lik qilmagan, deya ta'kidlamoqda muhokama ishtirokchilari.

Aytish kerakki, ayni paytda unda tatuirovkalar bo‘lmasligi ham mumkin. Avvalroq Sevara Nazarxon ulardan qutulishga urinayotgani haqida xabarlar tarqalgandi.

Tag‘in o‘qing
10 avgust 2023
Eltuz e'lon qilgan Bulung‘urda IIB xodimlari kaltaklagan o‘spirin videosi yuzasidan ichki ishlar idorasi munosabat bildirdi. “Xodimlar qo‘pollik qilib urayapti”- ...
1 iyun 2023
O‘tgan hafta oxirida O‘zbekiston bosh vaziri Abdulla Aripov Toshkent shahrining yangi hokimi Shavkat Umurzoqov bilan birga poytaxt markazi – ...
4 iyul 2016
Farg‘ona viloyati o‘qituvchi va shifokorlari paxta ko‘sagiga tushgan qurtlarni dalalarda qo‘lda terishmoqda. Ularning bu safar dalaga chiqarilishi AQSh Davlat ...
21 aprel 2021
«Abdulla G‘arip Prodakshn», Rassom Tuz, rassom Elsevar va «Eltuz» namoyish qiladi. (IKKINChI QISM) Avtobus o‘nqir-cho‘nqir yo‘ldan ketyapti. Cirtiga “O‘zbekiston ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...