Yil so‘nggida tovuq, limon, echkiga fotiha o‘qildi

Prezident Mirziyoevning tovuq, echki boqib, limon ekib daromad topish populistik iqtisodiy-siyosati 2019 yil arafasiga kelib butunlay yo‘qqa chiqdi.

Oxirgi marta Shavkat Mirziyoev nega tovuq boqishni sevishiga 2018 yilning mart oyida izoh bergan edi

U o‘zining 110 ta tovug‘i borligi, ularning 50 tadan tuxum qilishi haqida, tovuqlarning tagini kuyovlari bilan tozalashi haqida gapirgandi.

U «Har bir oila 100 tadan tovuq boqsin!», degan formulani prezidentlikka saylanganidan bir oy o‘tmay 2017 yilning 14 yanvarida o‘rtaga tashlagan edi.

Biroq, o‘sha yilning martdayoq ferma sharoitida boqiladigan tovuqlar, aholiga tarqatilgach birin ketin nobud bo‘la boshladi.

Tovuqlar ortidan echkilar o‘ldi. Limonlar quridi. Kredit liniyasi to‘xtatildi. Populistik qarsaklar tindi.

Biroq kredit olganlar qarzlarini yana uch yil davomida uzishlari kerak.

Rassom Kirpi
eltuz.com