Ko‘zqarash
14 mart 2019

Gerostrat sindromi

Juda g‘alati ishlar bo‘lyaptiki, na jim turib bo‘ladi va na gapirib. Ammo “qilingan ishdan pushaymon qilinmagan ishdan pushaymondan yaxshiroq”, degan falsafamga amal qilib, baribir gapirishga qaror qildim.

Kecha diniy tuyg‘ularimiz orqali bizni qanday oson ko‘tarish mumkinligi ustida bir tajriba juda muvaffaqiyatli o‘tkazildi. Xudda shunday tajribalar milliylik, mahalliychilik va boshqa tuyg‘ularimiz orqali ham muntazam o‘tkazib kelinadi.

Nega?

Chunki biz o‘zimiz shunga moyilmiz. Oddiy ma'rifatga chaqiruvni ham milliy, ma'naviy, o‘zlik va hokazo bir nimalarga burib xayp qilaveramiz. Nima qilsak ham tilga tushsak bo‘ldi. Gerostrat sindromi.

Mana, “Ishonch” gazetasi buni boplabdi. Bir vazir til o‘rgan desa, bu milliylikni unga qarshi qo‘yib o‘tiribdi.

“G‘ayri tilini sa'y qiling bilgali yoshlar, til vositai robitai olamiyondir”, degan Avaz O‘targa yoki “Ikki emas, to‘rt til lozim”, degan Behbudiyga ham “ochiq xat” yozinglar endi.

Men tarafkashlik qilmoqchi emasman-u, ammo odamning yaxshi niyatini, maqsadini bilib turib, atay qiyshiqqa burish va bunda tuyg‘ularga o‘ynash odatimizdan juda jahlim chiqyapti. Bu “ochiq xat”ni ziyolilar, men hurmat qilgan insonlar ham ulashib boshlaganidan yanada afsusdaman.

Urho-urdan charchamadinglarmi?

Charchasanglar, Prezidentning mana bu qarorini yaxshilab o‘qib chiqinglar. Undagi: “Prezident maktablarida ta'lim jarayoni xorijiy ta'lim muassasalari bilan hamkorlikda ishlab chiqilgan o‘quv rejalari va dasturlari bo‘yicha ingliz tilida amalga oshiriladi”, degan joyini qayta-qayta o‘qinglar. Bu shunaqa formatdagi maktab. Gap tamom shu yerda!

Baqiroq millatparvarlik zamoni huuv 90-yillarda qolib ketgani, hozir mushohadali millatparvarlik davri kelganini allaqachon anglashimiz kerak.

P.S. Fanlar o‘zbek tilida chuqur o‘rgatiladigan IDUMlar mamlakatimizda ko‘p. Mirzo Ulug‘bek nomidagi aniq fanlarga ixtisoslashgan maktab, masalan. Qancha gimnaziyalar bor. O‘shalarga kirib o‘qish ham mumkin.

Bloger Shahnozaxon
@shahnozxon

Tag‘in o‘qing
22 avgust 2022
Andijon hokimi qabuliga kelganlarga poygakdan joy beriladi. Andijon hokimi qabuliga kelganlarga poygakdan joy beriladi. Rassom Tuz
30 iyul 2019
Karlovi Vari o‘zbek amaldorlari va ularning banditlari uchun sevimli maskan. 2015 yilning yozi issiq keldi. Sobiq bosh o‘zbek menti ...
13 fevral 2019
Hukumat tili bilan tadbirkorlik rivoji uchun turli imtiyozlar va yengilliklar berilayotganini ovoza qilayotgan bir paytda qo‘li bilan ishbilarmonlarning bo‘g‘zidan ...
1 may 2015
O‘zbekistonda maxsus xizmat xodimlari ayollarni ro‘molini yechishga majbur qilishmoqda. rasm muallifi: Shuhrat Bobojon
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...