Ko‘zqarash
25 sentyabr 2019

Kitob keltirgan shoir…

yoxud shoirlik va mahbuslikning orasi necha qadam?

Mahmud Rajab haqida yozyapman-u, ustoz Matnazar Abdulhakimning “Mahalliychilik qilmagan holda bir-birlaringni qo‘llab – quvvatlanglar”, degan beozor nasihatlarini esga olyapman.

Va yana Matnazar aka biror marta shogirdim deb tilga olmagan (Matnazar aka biror marta “Falonchi mening shogirdim” qabilida fikrlamagan. Chunki ustoz tanlanadi. Shogird seni tanlasagina, unga ustoz bo‘lish mumkin) haqli shogirdi Mahmud akani doim oldidan, orqasidan ham “Mahmudjon” deb chaqirardi.

Mahmud Rajab ijtimoiy tarmoqlarda Muhammad Solih kitoblarini tashuvchi bo‘lib tanilgan bo‘lishi mumkin. Biroq Mahmud aka, avvalo, yaxshi shoir, yozuvchi, badiiy so‘zni nozik his qiluvchi inson!

Kitob keltirgani uchun, ma'rifat orqalagani uchun shoirni qamash UYaT! Kitob ko‘targan odamni tergov mahkamalarida oylab halak qilish achinarli hol!

She'rni sevgan odamning qo‘liga kishan urarsiz, biroq uning hislariga, tuyg‘ulariga, qarashlariga kishan urolmaysiz!!!

Faqat Mahmud Rajab emas, bugungi shoirlarning ko‘pchiligi Muhammad Solih she'rlari o‘zbek she'riyatini ma'no va shakl jihatdan yangilaganini e'tirof etishadi.

Men ham Muhammad Solih she'rlarini sevib o‘qiganman, uning she'rlari tog‘ni yorib suv keltirgan Farhod monand yuragim va tuyg‘ularimni zilol suvga to‘yintirgan.

Muhammad Solih she'rlarining ashaddiy muxlisi bo‘lish na mening, na Mahmud Rajabning, na boshqa she'r muhibining aybi bo‘la olmaydi. Men go‘yoki taqiqlangan shoir she'rlarining yarmidan ko‘pini yod bilaman.

Bu uchun qaysi qonun mening xotiramni, quvvayi hofizamni qamoqband eta oladi.

Qolaversa, Muhammad Solih she'rlarini sevish Vatanga xoinlik degan qarashlarni shakllantirish o‘ta ketgan bechoralikdir.

Mahmud Rajabga, bir shoir va she'r muxlisiga nisbatan qilinayotgan zug‘umlarni men So‘zni, Adabiyotni va Kitobni tahqirlash deb bilaman.

Shoirlaring kitob yozgani va o‘qigani uchun mahbusga aylanmasin. Shoiringni asra, xalqim!

Go‘zal Begim,
o‘zbek shoirasi

Tag‘in o‘qing
14 oktyabr 2021
Dastlab bolsheviklar Yosh buxoroliklar, jadidlarning kommunistik partiyaga qo‘shilgan a'zolaridan iborat Buxoro Xalq Sovet Respublikasini tuzdilar.  Bu respublika rahbarlaridan biri ...
20 dekabr 2016
Mahrum prezident Islom Karimovning har bir chiqishi, va'dalari ortidan xalqning turli qatlami vakillarining bu chiqishlarga munosabat bildirishi sovet davridan ...
14 avgust 2017
2015 yilning 25 sentyabrida Xorazmga majburiy mehnat monitoringi uchun borgan mustaqil jurnalist Maloxat Eshonqulova va huquq himoyachisi Yelena Urlaevalar ...
29 oktyabr 2021
Kichikroq davrada avj pichir-pichir:   “Voh, bechora”, deya uchar ovozlar   – “Aytganini qilmas hokimu vazir,   Hanuz atrofida eski shovvozlar.   Shuncha ...
Bloglar
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...
11 yanvar 2024
Qirg‘iziston parlamenti kecha, ya'ni 10 yanvarda ko‘pchilik ovoz bilan deputat Emil Jamg‘irchievni jinoiy javobgarlikka tortishga ...