Dayjest
19 noyabr 2019

“Ortiqxo‘jaev-Vahobov” ishi yoxud piyodani qutqaraman deb qurbon bo‘lgan shoh

Matbuot xizmatlari va jamoatchilik bilan aloqalar sohasi bo‘yicha tahlillar ruknimizning yangi soniga katta ehtiyoj paydo bo‘ldi. Zeroki, piar xatoliklar katta darajadagi mansabdorning o‘z o‘rnini yo‘qotishi xavfini uyg‘otdi.

Bundan bir necha oy oldin Olmazor tumani hozirda sobiq zamhokimi Vahobovning kun.uz sayti jurnalistlariga tashlangani va keyinchalik Toshkent shahar matbuot xizmati tomonidan Vahobovning dalillarsiz ommaviy ayblovini e'lon qilgani mavzusini tahlil qilgan edik (https://t.me/nozimsafari/1466).

O‘shanda Vahobovning bayonoti vaziyatni chigallashtirganini aytib, matbuot xizmati yo‘l qo‘ygan bir qator xatolarni sanagan edim. Oxir oqibatda prognozlar o‘zini oqladi. Vaziyat umuman tizgindan chiqib ketdi. Hozirda Ortiqxo‘jaevning o‘ziga qat'iy chora ko‘rilishi xavfi paydo bo‘ldi.

Voqealarning qisqacha xronologiyasi:

  • Zamhokim muxbirga tashlandi
  • Shahar hokimi kunuzchilar bilan omadsiz murosa uchrashuvini uyushtirdi
  • Zamhokim tuxmatli bayonot bilan chiqdi
  • Kunuz Vahobovni prokuraturaga berdi
  • Prokuratura Vahobovning harakatlarida noqonuniylikni aniqlamadi
  • AOKA prokuraturaga taqdimnoma kiritdi
  • Vahobov vazifasidan ozod etildi
  • Prokuratura brifingda ishda tuxmat alomati aniqlanmaganligini bildirdi
  • Ortiqxo‘jaevning audiosi tarqaldi
  • Maxsus tuzilgan komissiya vaziyatni o‘rgana boshladi. Va tushunishim bo‘yicha vaziyat Ortiqxo‘jaevning istefosi bilan tugashi ehtimoli katta.

Vaziyatning bunchalik darajaga yetib kegani sabablaridan eng kattasi bu negadir shahar hokimi axmoqlik qilib qo‘ygan, katta ijtimoiy e'tiroz uyg‘otgan Vahobovni o‘zining chuqur himoyasiga olish qaroriga kelgani. Bunday mag‘lubiyatli aktiv kattaroq talofat olib kelishi aniq edi. Bunday vaziyatda JO shunchaki boshida zamhokimga ma'muriy chora ko‘rganida vaziyat o‘sha yerda yakun topardi. Hatto ishdan olish ham shart emas edi. Ishdan bo‘shatsa ham shunchalik Vahobovni yaxshi ko‘rsa o‘nlab bizneslaridan boshqa ish topsa bo‘lardi unga.

Ikkinchi xato: Murosa uchrashuvida Ortiqxo‘jaev tiliga erk berdi.
Uchinchi xato: Jurnalistlarga qarshi xujum. Bayonotda tuxmat bilan chiqish varianti tanlandi.

To‘rtinchi xato: Bu xato to‘liq matbuot xizmatining bo‘ynida. Ular shahar hokimini tuxmat varianti mag‘lubiyatli pozitsiyaga olib kelishini aytishlari va boshqa yo‘lga undashlari zarur edi.

Beshinchi xato: Kunuz omadsiz murosa uchrashuvidan so‘ng ularda audioyozuv borligini ochiq ma'lum qildi. O‘sha uchrashuvda nimalar deb qo‘yganini bilgan na JO va na uning piar xizmati rahbari ushbu signalga zarur e'tibor qilmadi. Jurnalistlar bilan ochiq urushni davom ettirishdi. Va piar xizmat rahbari urushni bugun ham davom ettirdi. Yana jurnalistlarni ayblab, noo‘rin so‘zlar qo‘lladi.

Oltinchi xato: Prokuraturaning 14 noyabrdagi brifingi. Unda Vahobovning tuxmat qilgani aniqlanmadi deya shaxs dahlsizligi haqida nomutanosib mujmal so‘zlar aytildi. Bu jurnalistlar jamiyatini qattiq ranjitdi. Qonun mansabdorlarga kelganda ishlamasligi e'tiroz uyg‘otdi.

Keyin esa nimalar bo‘lgani barchaga ma'lum. Yuqorida sanalgan xatolarning hech bo‘lmasa bittasiga yo‘l qo‘yilmaganida shahar hokimi bunday og‘ir vaziyatga tushmasdi. O‘zi umuman JO hokimligining ilk kunlaridan OAV va blogerlarga qarshi dushman kayfiyatini o‘zida shakllantirdi. Ularni o‘rniga o‘tqizib qo‘yish umidida yondi. Jurnalistlarga nisbatan ters munosabat eng xato va noto‘g‘ri yo‘l. Lekin bunday kayfiyatni o‘ziga xos sabablari bor. Bu haqida keyingi sonda.

30-35ga yaqin xodim va bir nechta piar mutaxassislarga ega bo‘lgan Toshkent shahar hokimiyati matbuot xizmati o‘z rahbari bilan qanday qilib jamoatchilik bilan aloqalarda tanazzulga uchragani mavzusining davomi bor.

Voqealar rivojini kuzatamiz.

Nozim Safarov
bloger-shoumen

Tag‘in o‘qing
24 mart 2017
24 mart kuni taniqli huquq himoyachisi Yelena Urlaeva Toshkent shahar ruhiy shifoxonasidan ozod etildi. U majburiy davolanishda 23 kun ...
2 oktyabr 2015
Radio manbasiga ko‘ra ilgari fohishalik qilgani bois jarimaga tortilgan ayollarni yig‘ib, dalaga olib ketishgan. “Balkondan qarab turdim. Hammasini bir ...
13 dekabr 2016
O‘zbekistonda Karimov o‘rniga prezident bo‘lib Shavkat Mirziyoevning saylanishi, jamiyatdagi oliy mansabdor shaxsini ulug‘lash ritorikasini o‘zgartirmadi. Bu og‘riqli muammoni aks ...
9 aprel 2019
Toshkent shahri IIBB podpolkovnigi 38 yashar Umid Qurbonov poytaxtning Chilonzor tumani Muqimiy ko‘chasida 6 aprel kechasi bir ayolni mashinasida ...
Bloglar
2 mart 2021
Bir og‘aynim qo‘qqisdan men haqimda daholarcha bashorat qilib bunday deb qoldi: Kerak bo‘lsa, ming foiz ...
25 fevral 2021
Bolaligimda mendan 5-6 yosh katta qo‘shni kaptarvoz bola bo‘lardi. Ko‘pincha kaptarlari bizning hovlimizga uchib kelib ...
17 fevral 2021
Hali gazga o‘tilmagan yonilg‘i sifatida faqat benzindan foydalaniladigan vaqtlar edi. Benzin esa avtomobillarga yonilg‘i quyish ...