Asosiy mavzular
19 may 2021

Mardikor harbiylar

Toshkent shahrida bunyod etilgan “G‘alaba bog‘i” yodgorlik majmuasida harbiy xizmatni o‘tayotgan oddiy askarlar 9 may arafasida bog‘ hududini tozalash ishlariga safarbar etildi. Ular harbiy xizmatda yigitlik burchini bog‘dagi asfaltlarni yuvish bilan o‘tagan. 

Ushbu holatga “Eltuz” muxbiri bevosita guvoh bo‘ldi va harbiy xizmatchilardan intervyu olishga urindi. Suhbat jarayonida ular harbiy xizmatni Chirchiqda o‘tayotgani, ertalab to‘qqizdan kechki oltigacha G‘alaba bog‘ida ishlayotganini aytdi. 

Ismi sir qolishini istagan harbiy xizmatchilar harbiy qismda sharoitlar, ovqat va boshqalar yaxshi ekani, ammo may oyi boshidan hozirga (10 may) qadar harbiy taktika bo‘yicha yetarlicha ko‘nikma olinmagani, hatto komandirlarning ham oddiy safda turish bo‘yicha ilmi yo‘qligi haqida gapirdi.

Xuddi shu mazmunda “Eltuz” tahririyatiga murojaat ham kelgan edi. Xatda harbiy xizmatdagi askarlarning turli ishlarga safarbar etilishi bayon etilgandi.

“Toshkent viloyatidagi harbiy qismda bir oylik harbiy xizmatda bo‘ldim, –deyiladi xatda. – Ochig‘i, Vatan oldidagi burchimizni o‘tash va bir parcha qog‘oz uchun harbiy xizmatga borgan edim. 

Shuning uchun tishimni tishimga qo‘yib chidadim. Ochiqcha aytaman, u yerda ahvol og‘ir. To‘g‘ri, yotoq joy, ovqat va boshqadan muammo yo‘q. Ammo harbiy ko‘nikma va bilim berilmaydi. 

Bir oy umrim havoga sovurildi. Bizni qo‘ydek yetalab yurishdi. Sovuqda  Toshkent viloyatining G‘azalkent shahrida 20 kun mehmonxona qurilishida ishladik. Bizni bu haqda hech kimga oshkor qilmaslik, aks holda hujjat berilmasligi bilan qo‘rqitishdi. 

Shuning uchun aksariyat yigitlar harbiy xizmatdan qaytgandan so‘ng ham bular haqida hech kimga og‘iz ochmaydi”.

“Eltuz” muxbiri Toshkent viloyati harbiy qismlari mas'ullaridan telefon orqali holatga izoh so‘radi. Ulardan birining so‘zlariga ko‘ra, bir oylik harbiy xizmatga ko‘rikdan o‘tilib, to‘lov qilingandan so‘ng chaqirilishi va bir oy davomida malakali mutaxassislardan saboqlar olish belgilangan. 

Uning bildirishicha, harbiylar faqat favqulodda holatlarda mehnatga safarbar etiladi, boshqa vaqtlarda ularning mashg‘ulot jarayonlariga xalal berilmaydi. 

Mas'ul kuzatilgan holatlar bo‘yicha izoh va aniq ma'lumot berish vakolatiga ega emasligini Eltuzga ma'lum qildi. 

Sirdaryoda 9-may kuniga bag‘ishlangan tadbirda o‘zbek zobitlari madhiya yangragan paytda o‘zlarini qanday tutishlarini bilmay qolishgani aks etgan video tarmoqda kulgiga sabab bo‘lgandi.

Eltuz.com

Tag‘in o‘qing
14 fevral 2018
Milliy xavfsizlik xizmatining Toshkent markaziy sayilgohida joylashgan bosh qarorgohi boshqa joyga ko‘chirilayotgani haqida «Eltuz»ga ma'lumotlar yetib keldi. U yerga ...
18 fevral 2020
Turkiston muxtoriyati moliya vaziri Solomon Abramovich Gertsfeld 1918 yilning 18 fevralida Qo‘qonda bolshevik jallodlar tarafidan o‘ldirildi. Solomon Gertsfeld umrining ...
21 dekabr 2020
Qishloqi qiz shahardagi boy oilaga kelin bo‘lib tushgach, o‘z urug‘laridan uyalarkan: «Kevurmanglar kir-chir bo‘lib. Bizani uyimizaga faqat chiroyli kiyingan ...
23 may 2019
2019 yilning 3 mayida prezident imzolagan va matbuotda e'lon qilingan qonunda O‘zbekistondagi barcha haydovchilar malaka oshirish sertifikati olishi kerakligi ...
Bloglar
28 iyun 2021
Asfalti yo‘q ko‘chalar, gazlashtirilmagan uylarimiz haqida «Do‘stlik bayrog‘iga» yozganimda o‘n uch yoshda edim. Qishlog‘imizni badbo‘y ...
25 iyun 2021
Texnik sabablarga ko‘ra, bugun juma va'zi efirga uzatilmaydi. Ammo aziz mushtariylar uchun bir paytlar Urganchdagi ...
21 iyun 2021
«Paxtakor»ning kelib chiqishi turk, lekin shveytsariyalik Derdiyok (o‘zbekchasiga Dardiyo‘q) degan futbolchisi bor. Yillik maoshi 1,3 ...