Ko‘zqarash
23 noyabr 2021

Nemis yo‘li

Yangi milliy kutubxona qurilishi (yangi milliy teatr qurilishi ham) yangi va yap-yangi O‘zbekistondagi eng keraksiz loyiha. Kechagina qurilgani Navoiy ko‘chasida savlat to‘kib turibdi.

Yonidagi Simpoziumlar saroyiga esa qurilganidan beri tadbir topolmay halakmiz. Har yili u vazirlik bu vazirlikka, bu qo‘mita u qo‘mitaga Simpoziumlar saroyida tadbirlar rejasi uchun xat yozadi.

Simpoziumlar saroyi, Forumlar saroyi va shiftiga Svarovski qandillari osilgan boshqa ko‘plab muhtasham, lekin nofunktsional saroylar kabi iqtisodiy jihatdan zararli loyiha.

Topgan puli eksplutatsion xarajatlarni (elektr, suv, tozalik, ishchi kuchi) qoplamaydi. Agar davlat milliy kutubxonaning eski O‘zbekiston davridagi ko‘ch-ko‘chlari uchun uyalayotgan va adolatni tiklamoqchi bo‘lsa, uning Mustaqillik maydonidagi binosini qaytib berishi mumkin.

Sovet davrida kutubxona uchun qurilgan bu bino avval Senatga berildi, endi esa prezident ixtiyorida. Yangi kutubxona qurilishi innovatsiya ham, kelajak uchun investitsiya ham emas. Navbatdagi prestij loyihasi. Zamon esa tubdan o‘zgardi.

Odamlar kutubxonaning kompyuterida, tabletida yoxud smartfonida bo‘lishini istaydi. Masofadan turib kutubxona ichida bo‘lgisi keladi. Agar hukumat milliy kutubxona fondini to‘liq raqamlashtirsa va uni Yaypandagi, Xonqadagi va yo Boysundagi o‘quvchi uchun ham «dostupniy» qilib qo‘ysa, bu yangilik, bu innoveyshn. Kitoblarni raqamli formatga o‘tkazish uchun esa milliardlarni sarflab yangi bino qurish shart emas. Kitobni skaner qiladigan apparatdan o‘nta olib, tashlandiq yerto‘lada ham qilsangiz bo‘ladi bu ishni. Asosiysi, uzluksiz elektr bo‘lsa bas:))

«Endi Germaniya yo‘lidan borib rivojlanamiz», deyildi eng katta minbardan turib. Germaniya yo‘li shakl emas, balki mohiyat ustuvorligi, muhtashamlik emas, balki funktsionallik diktaturasi, bir martalik to‘y emas, uzun barqaror umr falsafasi…

Biz ko‘p eslaydigan Germaniya iqtisodiy mo‘'jizasi tashqaridan birovning nazariga kirmaydigan pastqamgina ko‘rinimsiz binoda ishlab chiqilgan va qabul qilingan yuzlab qonunlar asosida yuz berdi.

Demoqchi bo‘lganim, binolar doim ham mamlakat taraqqiyotini belgilab beravermaydi. Boridan foydalanib, mablag‘larni xalqning birini ikki qiladigan, mamlakat iqtisodiyotining raqobatdoshlik darajasini ko‘taradigan ishlarga sarflagan ma'qulroq…

Xurshid Habib

muallifning feysbukdagi sahifasidan

Tag‘in o‘qing
1 noyabr 2020
Qishloq xo‘jaligi mutaxassisi va Navoiy viloyatining Konimex tumani sobiq hokimi 70 yashar Ismoil Ospanov «Eltuz» orqali o‘z turkum chiqishlarini ...
12 avgust 2018
Ijtimoiy tarmoqlarda avtomobillarga yoqilg‘i quyish shoxobchalaridagi kilometrlarga cho‘zilgan rekord navbatlarning tasvirlari paydo bo‘ldi. Tag‘in, avtoulovi yo‘qlarning kuni tug‘di, ular ...
25 noyabr 2020
Xorazmda kelinga bokira emas, degan ayb qo‘yib, uni videoga olgan, sha'nini toptab sazoyi qilgan kuyovning qarindosh-urug‘lari ustidan Xorazm viloyati ...
21 may 2021
Oshiqlaring poyingga gul otib ham bo‘ldi, Xilvatlarda labingdan bol totib ham bo‘ldi Va bu haqda kimlargadir sotib ham bo‘ldi ...
Bloglar
18 yanvar 2022
Tarmoqda ikki toifa mullalar bir-biri bilan qirpichoq bo‘lmoqda. 1-toifa: Hukumat va DXX yo‘rig‘ida yurib chiziqdan ...
16 yanvar 2022
O‘zbekistondagi har bir mulozimning ichida bitta shoir, har bir shoirning ichida bitta mulozim yashaydi. Bu ...
10 yanvar 2022
O‘zini bir guruh faollar deb tanishtirgan guruh Eltuz telegram kanaliga yozib, quyidagi murojaatni chop qilishni ...