Bugun Ukraina, ertagachi?

27-fevraldan 28 fevralga o‘tar kechasi Vena shahar maydoni namoyishchilar bilan to‘ldi. Ular Ukrainani qo‘llab quvvatlashmoqda. Tarixiy binolarda Ukraina bayrog‘i ramzi aks etgan. Eslasangiz, 1938 yili Gitler ayni hudud – Avstriyani u yerda yashayotgan nemislarning toptalgan haqqini himoya qilishni bahona qilib  bosib olgan edi.

O‘sha paytda ger Gitler bilan muzokaralar olib borgan va Angliyaga urush ochmaslik yuzasidan tinchlik bitimini imzolashga erishgan Buyuk Britaniya Bosh vaziri Chemberlen bir yil o‘tmay yurak hurujidan vafot etadi. Chunki u tuzgan betaraflik va tinchlik bitimi bu ikkinchi jahon urushining boshlanishiga olib kelgan edi. Shunga o‘xshash bitim Gitler va Stalin o‘rtasida ham imzolangan edi. Biroq bu qog‘ozlar tarix taxmonlarida qolib ketdi.

Mamlakatlar tinchlikni saqlash uchun Rossiya Ukrainada boshlagan urushga betaraf turishni istashmoqda, muzokaralar bilan band bo‘lishmoqda. Bu vaqtda esa Ukrainada urush davom etmoqda.  Tarix takrorlanmoqda. Faqat bu safar Gitler o‘rniga Putin. Navbatdagi davlat qaysi? Har holda Italiya emas…

Qudrat Bobojon,

Eltuz.com