Asosiy mavzular
3 may 2022

Iste'molchilar “homiysi”dan qing‘irliklar bo‘yicha mahorat darslari

O‘zbekiston iste'molchilar huquqlarini himoya qilish jamiyatlari federatsiyasi prezidentning besh muhim tashabbusi doirasida kutubxona qurish uchun olingan yer maydonlarini o‘zlashtirishning hadisini olgan.

“Eltuz”ga jo‘natilgan shu mazmundagi iddao bildirilgan murojaatda federatsiyaning o‘z manfaati yo‘lida yer o‘zlashtirishi bilan bog‘liq bunday qing‘irliklar mamlakatning ko‘plab shahar va tumanlarida yuz berayotgani aytiladi.

Prezidentning beshta muhim tashabbusidan biri aholi, ayniqsa, yoshlar o‘rtasida kitobxonlik madaniyatini rivojlantirishga qaratilgan. Iddao qilingan qing‘irliklar besh tashabbusning ayni shu yo‘nalishiga bog‘liq.

Murojaatda bildirilishicha, O‘zbekiston iste'molchilar huquqlarini himoya qilish jamiyatlari federatsiyasi mamlakatning har bir tuman va shahrida “Iste'molchilar uyi” va “Iste'molchi kutubxonasi” qurish loyihasini ilgari surgan.  

Federatsiya rahbariyati shu tashabbus ijrosi doirasida har bir viloyatdagi tuman va shahar hokimlariga “yoshlar uchun kutubxona qurish uchun yer berilsin” mazmunida qarorlar chiqartirib olishga erishgan. 

Bu loyiha orqali iste'molchilarning huquqiy va kitobxonlik madaniyatini oshirish va targ‘ib qilishdan tashqari yuzlab yosh yigit-qizlarni ish bilan ta'minlash va'dasi ham berilgan.  

“Loyiha doirasida viloyatlarda ochilgan birorta “Iste'molchilar uyi”, “Iste'molchi kutubxonasi”da hokimlarga va'da berilganidek, yuzlab yosh o‘g‘il va qiz ish bilan ta'minlanmadi. 

Fuqarolarning huquqiy savodxonligini mustahkamlash maqsadida elektron kitoblar bazasi ham shakllantirilmadi. O‘quvchi pandemiya sharoitida uyidan turib kitoblarni buyurtma qilishi va elektron formatda arzon narxda masofadan kutubxonalardan zamonaviy “Book cafe” va bepul Wifi tizimi hamda internet orqali zarur adabiyotlarni topishi va xarid qilishi imkonini beruvchi “eReader” elektron o‘quv qurilmasi ham o‘rnatilgani yo‘q. 

Bu uddaburonlar ushbu olingan yer maydonlariga kutibxonaga deb qaror chiqartirib, ochilish marosimlarini dabdabali ravishda o‘tkazib olganidan keyin tashkilot uchun ofis uchun yoki o‘z maqsadlarida foydalanishmoqda (joyni ijaraga berish, oshxona, oziq-ovqat do‘konlari va hk)”, deyiladi murojaatda. 

Murojaatning ismi sir saqlanishini so‘ragan muallifi Namangan viloyatining To‘raqo‘rg‘on tumanida federatsiya tomonidan ijtimoiy sheriklik asosida barpo etilgan “Iste'molchilar uyi” va “Iste'molchi kutubxonasi”ni o‘z so‘zlariga dalil sifatida keltiradi. http://cdn.uza.uz/2020/11/10/13/35/8ZGLRNXhXlVNWX2ZgpIBJKmcBL58CJyB_front.jpg

Ushbu muassasaning ochilishi marosimida qator kazo-kazolar, jumladan, senatordan tortib tuman hokimigacha ishtirok etgan. Federatsiya raisi Jahongir Sarimsoqov esa yangi majmua yosh avlodga ziyo ulashish, ma'naviy-ma'rifiy, huquqiy targ‘ibot ishlari samaradorligini oshirishga xizmat qilishini ta'kidlagan.

Farg‘onada ochilgan, turli amaldorlar tantanavor nutq so‘zlab, televidenie va matbuotda ura-ura qilingan shunday “Iste'molchilar uyi”dan ayni paytda ofis sifatida foydalanilayotganini aytar ekan, Buxora viloyatida qurilgan majmuaning taqdiri ham shundayligini qo‘shimcha qiladi murojaat muallifi. 

Mart oyida ham rasmiy matbuot “yaqinda Navoiy viloyatining olis cho‘l hududi – Tomdi tumanida joylashgan “Iste'molchilar uyi” ma'muriy komleksining ochilish marosimi bo‘lib o‘tgani”, unda tuman hokimi, senatorlar doxil amaldorlar ishtirok etgani haqida xabar tarqatgandi.   

Unda loyiha doirasida bugungi kunda mamlakatimizning o‘ttizdan ortiq tuman va shahrida “Iste'molchi kutubxonasi” va “Iste'molchilar uyi” ma'muriy komplekslari qurilib, foydalanishga topshirilgani aytiladi.

O‘zbekiston iste'molchilar huquqlarini himoya qilish jamiyatlari federatsiyasi 1999 yilda faoliyat boshlagan kvazehukumat tashkilot bo‘lib, bugungi kunda uning tizimida 14 ta hududiy birlashma, tuman (shahar) jamiyatlari, mahallalar, korxona va tashkilotlar hamda muassasalarda 5 502 ta tayanch guruh bo‘lib, ularning tarkibidagi a'zolar soni 529 342 nafarni tashkil qiladi.

Eltuz.com

Tag‘in o‘qing
19 oktyabr 2019
Rassom Tuz Eltuz.com
10 aprel 2021
Faloniy o‘ylar: nechun Tomni bosdi tog‘dek qor. Bir nayrang yetgan ko‘kka, Amerika aybdor. Sigir qochmas buqadan, Bolalar ayronga zor. ...
4 fevral 2021
1 fevral kuni Urganch shahri fuqarolik sudi kelinga bokira chiqmaganlik aybini qo‘yib, uni videoga olib, internetda sazoyi qilgan bir ...
12 avgust 2018
«Jasliqda bir oylarcha o‘tirganimizdan keyin vaziyat biroz yumshaydi. Tushlik, kechki ovqatlardan keyin 5 daqiqa bo‘lsayam bir-birlarimiz bilan gaplashishga imkon ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...