Mushtum va Eltuzning shiori birdir

Eltuzning dushman emas balki do‘st ekanligini eng birinchi anglab tushunib yetgan ilk rasmiy kishi bu O‘zbekiston prezidenti Shavkat Mirziyoev bo‘ldi. 2017 yil Shavkat Mirziyoev selektor yig‘ilishida Eltuzdagi maqolani to‘la o‘qib berdi. Bu haqda Bi Bi Si ham yozuvdi . Davlat rahbarining bu e'tibori atrofdagi mulozimlarga bir signal edi. Sekin¸ sekin bo‘lsa ham amaldorlar Eltuz bilan muloqotga kirisha bordi. “O‘zbekipaksanoat” uyushmasi raisi Bahrom Sharipov Eltuz savollariga rasman javob qaytargan ilk yuqori lavozimlii amaldor bo‘ldi. Ammo baribir Karimov zamonida uydirilgan «dushman obrazi» Eltuzni ta'qib etdi. Yaqinda O‘zbekiston prezidenti Berlinga kelganida Eltuzning uch muxbiri akreditatsiya olib tashrifni yoritdi. Eltuz «shirin tilli dushman» emas balki «achitib gapiradigan do‘st» ekanligini rahbariyat tushunib yetgandi. Qars ikki qo‘ldan chiqadi. Mana 19 may kuni O‘zbekiston jurnalistika va ommaviy kommunikatsiyalar universiteti rektori Sherzod Qudratxo‘jaev Mushtum jurnalining 100 yilligi munosabati bilan Eltuz savollariga to‘la va atroflicha javob berdi. Bu yangi O‘zbekistonning ijobiy tarafi. Kim nima desa desin¸ hamkorlik «partizan»likdan yaxshi. Bugungi suhbatda 100 yoshini to‘ylayotgan Mushtum jurnali Bosh muxarriri Nosirjon Toshmatov ham Eltuz savollariga javob berdi. Zotan Mushtum bilan Eltuzning shiori bir. «El og‘ziga elak tutib bo‘lmaydi»

Rassom Tuz