Shilqimlik! Hamma jim qarab turdi…

Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. Shu payt mening orqamdan kimdir qattiq ushladi. Shu zahoti o‘grilib qaradim, orqamda bir yosh yigit teskari o‘grilib qo‘llarini cho‘zgancha turardi. Shoshib qoldim, lekin yonimda o‘smir yigitlar ham ketayotgandi – bu voqeani ko‘rib bizning yonimizda o‘ting deb taklif qilishdi. Bunga javoban meni ushlagan odam avtobusdan tushsin, guvohlarim bor dedim. O‘smirlar bo‘yin tovlab boshlashdi.

Menga tegajoqlik qilgan yigit esa hech narsa qilmagandek, unga hech narsa bo‘lmasligini bilib bezrayib turaverdi. Unga «nega qo‘lingni yugurtirasan, hoziroq avtobusdan tush», dedim. Avtobus oldida o‘tirgan, voqeani umuman ko‘rmagan yoshi katta kishi tuxmat qilyapsan, bu yaxshi talaba yigitga o‘xshaydi deb oraga tushdi.

Shilqimga jon kirib dadillashdi «sen qachon avtobusdan tushasan, men bozorgacha boraman, baribir tushib qolmayman» dedi.

Oxiri men… yig‘lab avtobusdan tushib ketdim. Bu bezbetlar nega shundayligini tushunolmayman. Biror ayol mening yonimni olmadi, biror erkak meni himoya qilmadi. Hamma jim qarab turdi.

Kirpi kundaligi