Ko‘zqarash
16 oktyabr 2015

O‘zgarishlar ehtiyoji

Qudrat Bobojon
Eltuz.com

Mamlakat qonuni, oddiy vodoprovod jo‘mragi, yoki xalq qo‘lidagi shior bo‘lsin, hammasi o‘zgarishga muhtoj. Aksincha ularni mog‘or bosadi. Bu taraqqiyotning eski qoidasi. Busiz rivojlanish ham yo‘q.

Tajribamda shu narsaga amin bo‘ldimki agar odam, jumladan millat hech narsa yaratmas, faqat borini yeyishda davom etarkan, u ko‘p narsadan mahrum bo‘ladi. Buning nuqsi boshqalarga ham yuqadi.

Bu hasadni agar millat miqyosiga yoysangiz, yanada fojialiroq…

Albatta boy bo‘lish kambag‘al bo‘lishdan afzal, ayniqsa yaratuvchan odam uchun. Hech narsa yaratmaydigan odam, fikrimcha, asta sekin mavjud eski narsalarning bandasiga aylanadi.

Ayni narsalarni pul va rishvat evaziga qo‘lga kiritadi. Mamlakatda korruptsiya avj oladi. Yuqorining amri bilan, bu narsalar endi seniki, soqqasini olib yana kimnidir o‘zingga teng sherik qilishing ham mumkin.

Bilimsiz bilimlilarga yo‘l bermaydi. Ular sharoitga moslashishga majbur. Bahillik kuchayadi. Mening shuncha bilimim bor, falonchi esa diplomini pulga olib, elga hokim bo‘ldi… balki unga pora bersam meni biror ishga qo‘yar.

Oddiy o‘g‘irlik — pora bilan jazodan qutilish mumkin bo‘lgan mamlakatda yashashning eng oson usuli. Birovning tomini tesh, kissavurlik qil, o‘ldir, militsiya senga sherik. Ularga qonun yo‘q, chunki diplomini pulga olgan huquqshunoslarda buni yozishga uquv ham yo‘q.

Uyingda gaz, suv yo‘qmi, o‘g‘rincha quvurga ulan. Gazchi kelsa haqini oladi ketadi. Puling bo‘lmasa tekinga yasha.

Toqatsizlik rivoj. Norozilar tilini tiydirish chorasi ham bor. Nega qizing ro‘mol o‘raydi, yoki nima haqing bor ochiq-sochiq yurishga, bu yer senga Robinzon oroli emas, demokratiya qilgani!

Vodoprovod quvuridan oqayotgan itbaliq aralash suv ichayotgan xalq muammosiga bu gaplarning nima dahli bor, deya o‘ylaganmisiz?

Suv idorasi xodimlari savodsiz bo‘lmasa, muammoni hal qilgan, aybini pora bilan hal qilishiga ko‘zi yetmagan qo‘shningiz esa quvurini o‘g‘rincha ulashga yuragi betlamagan bo‘lmasmidi?

Doira yopildi. Biroq bir narsani aytmadim. Yaratishdan, qurishdan avval maydon eski narsalardan tozalanishi, demak yuqorida o‘tirgan prezident va uning aymoqlari o‘rinlarini bo‘shatishlari lozim.

Qolgan hammasi sizning qo‘lingizda.

Tag‘in o‘qing
1 mart 2018
Prezident Mirziyoev 27 fevral kungi selektor yig‘ilishida «O‘zbekoziqovqatxolding» davlat shirkatini meva-sabzavot eksporti rejasini bajarmaganlikda ayblab tanqid qildi. Prezident tanqidi ...
2 fevral 2017
Yangi yildan so‘ng yanvarning qoq yarmigacha Vatan himoyachilarini madh etishga ustivor e'tibor qaratgan O‘zbekiston telekanallari keyin prezidentning ketma-ket imzolanayotgan ...
12 aprel 2017
2017 yil 12 aprel kuni O‘zbekiston Respublikasi Konstitutsiyaviy sudi raisining o‘rinbosari 68 yashar Bo‘ritosh Mustafoev yurak kasalligi bois yuzaga ...
17 yanvar 2021
Shoira Gulchehra Nurullaeva bilan suhbat, 1988 yil. — Gulchehra opa, hozir qayta qurish davrida yashayapmiz. Suhbatimizni shu mavzudan boshlasak. — Men qayta qurishni o‘zim uchun yangilik deb bilmayman. Endi o‘ylasam, urush yillari qandaydir «xundori» tayyorlab, mahallamiz bolalarini tekinga davolaydigan otam, so‘nggi burdani «non»lab ortidan ergashibyurgan qiziga emas, qo‘shnining ochdan o‘layotgan bolasiga olib chiqqan onam qayta qurish odamlari ekanlar. Bir voqeani eslasam, ko‘zimga hali-hali yosh qalqadi. 1956 yil. O‘ninchini endigina bitirganman. Maktabimiz direktori Hafiz Yengalichev menga: — Seni Moskvaga, MGUga ...
Bloglar
13 oktyabr 2021
(Taniqli shoir va siyosatchi Muhammad Solihning “Imperativ” kitobidan 35-qism. Audiokitob matnini muallifning o‘zi o‘qigan. Davomi ...
5 oktyabr 2021
XIX asr o‘rtalariga kelib Turkistondagi uch mamlakat – Qo‘qon, Xiva va Buxoro xonliklarini uch yirik ...
3 oktyabr 2021
(Taniqli shoir va siyosatchi Muhammad Solihning “Imperativ” kitobidan 33-qism. Audiokitob matnini muallifning o‘zi o‘qigan. Davomi ...