Kundalik
1 noyabr 2015

Kindikdan past yana bir amal

Qudrat Bobojon
Eltuz.com

Jurnalist Maloxat Eshonqulovaning faoliyati tufayli endi uning bo‘lg‘usi qudalariga bosim ko‘rsatilayotgani haqidagi gaplarni eshitib, har qanday odamning esi og‘ib qolishi mumkin. Nahotki hukumat bir jurnalist ayol ovozini bo‘g‘ish uchun endi shunchalik past ketgan bo‘lsa.

“Organ xodimlarining kuchi begunoh bir qizning to‘yini to‘xtatishga yetdimi?”, – deya kuyinadi Maloxat Eshonqulova.

Gap shundaki, jurnalistning qudalari tomonidan to‘y belgilangan, puli oldindan to‘lab qo‘yilgan Uchtepa tumani, Chilonzor, 23-mavze, Shirin ko‘chasida joylashgan “Dilorom” restoraniga fuqarolik kiyimidagilar kelib, “Shu ayolning to‘yini restoraningda o‘tkazmaysan. Mabodo, o‘tkazgudek bo‘lsang, to‘y kuni barcha mehmonlarni ko‘chaga quvamiz-da, to‘yxonangga qulf solamiz, taftish tashlaymiz. To‘yxonangni yopamiz. Boshqa qaytib ocholmaydigan qilamiz”, deyishgan.

Bu gaplar 250 kishiga taklifnoma jo‘natilib “Dilorom” restorani egalariga “zakalat” berib qo‘yilganidan keyin qilinmoqda. O‘zbekistonda to‘y degani o‘z-o‘zidan bo‘lmaydi.

“Jinoyatchi bo‘lganimda o‘z vatanimda to‘y boshlab, bozorma-bozor chopib yurmagan bo‘lardim. Mening bor-yo‘q gunohim haqni aytganim. Yeb to‘ymas, poraxo‘r amaldorlarning dodini berganim, kirdikorlarini fosh qilganim, noqonuniy qadamlarini elga oshkor etganim.”, – deydi jurnalist voqea yuzasidan prezidentga yozgan ochiq xatida.

Shu paytgacha Karimovga yozilgan minglab xat egalaridan farqli, ushbu maktub muallifi millat oydinlarini qamoqlarda chiritayotgan hukumat qarshisida fikrlarini mag‘rur ifoda etadi, jumladan:

“Modomiki, to‘yga qarshiliklar hozirdanoq boshlanib ketgan ekan, bugun to‘yxona egalariga tahdid o‘tkazayotgan o‘sha zo‘ravon maxsus xizmat xodimlar ertaga to‘ydagi to‘polonda qasddan qandaydir varaqalar (ularga shuningdek tuhmat uyushtirish urf bo‘lgan-ku) tashlamaydi, qasddan janjal (Qashqadaryo prokuraturasi oldida maxsus yollangan jangari ayollarga reja asosida bizni atay kaltaklatishgani kabi) chiqarishmaydi, narkotika “topib olishmaydi”, to‘yda qasddan to‘palon uyushtirishmaydi deb kim kafolat beradi?”, – deya yuzlanadi Maloxat o‘z maktubida.

Huquq faollari fikricha, Eshonqulovaning qiziga nisbatan bu harakatlar, aslida O‘zbekistonda bu yilgi paxta terimi monitoringgi ishtirokchilariga qarshi hurujlarning uzviy davomidir.

Bundan ilgari ham, monitoring ishtirokchilariga turlicha bosimlar uyushtirilgan, huquq himoyachisi Dmitriy Tixonov, Shuhrat Rustamov, Yelena Urlaevalar va jumladan Maloxat Eshonqulovaning o‘zi ham bir necha bor militsiya tomonidan ushlangandi.

20 oktyabr kuni huquq himoyachisi Dmitriy Tixonovning uyiga o‘t qo‘yilishi esa, jinoyatchi hukumatning faollariga qarshi ochiqcha kurash choralari ham qolmaganini ko‘rsatdi.

Ma'lumki, O‘zbekiston hukumati Jahon banki oldida paxta dalalarida majburiy mehnatdan (qullar mehnatidan) foydalanmaslik majburiyatini olgan, ayni shart evaziga Jahon banki O‘zbekiston Qishloq xo‘jaligiga yarim milliard dollar yordam ajratgandi.

Mol achchig‘i, jon achchig‘i deganlaridek, o‘z izini xaspo‘shlamoqchi bo‘lgan quldor hukumat ko‘zbo‘yamachiliklarini birin-ketin fosh qilarkan, xalqaro hamjamiyat oldida faollarning tilini tiyishga o‘zbek hukumati oliy amaldorlarining yog‘liq qo‘li ham kaltalik qilib qoldi.

Balki shundanmi ular, bugun “Dilorom” restorani egalari orqali Maloxat Eshonqulovaning bo‘lg‘usi qudalariga zarar berish kabi kindikdan past amallarga o‘tishdi, bundan ilgari, majburiy mehnat monitoringi natijalari yozig‘liq fleshkani topish uchun militsiyaga Xazorasp tuman hokimining huquq faollari jinsiy a'zolarigacha taftish qilishni buyurganidan ko‘pchilikning xabari bor.

Tag‘in o‘qing
19 fevral 2021
Ehtimol boshqa oilada dunyoga kelganida u mashhur turk rassomi sifatida ulug‘langan va san'at tarixi zarvaraqlarida muhrlangan bo‘lar edi. Biroq ...
18 iyul 2018
Poytaxtning Yunusobod tumani hokimi buyrug‘i bilan 12 iyul kuni, tumanning 11-dahasidagi, 17-uy devoriga ishlangan mozaika usti oqqa bo‘yaldi. Bu ...
14 dekabr 2017
Rassom Tuz aks ettirgan rasmdagi bu hayvonni bilasizmi? U qanday hayvon? Qaerlarda yashaydi? Nimadan qo‘rqadi? Kimga bo‘ysunadi? Kimlarga tashlanadi? ...
27 avgust 2020
“O‘zbekiston” telekanali orqali 2020 yil 26 avgust kuni uzatilgan ijtimoiy-siyosiy ko‘rsatuv ekspertlari yana bir bor yirtiq kiyim bosh kiyishni qoralab chiqishdi. So‘zga chiqqanlardan ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...