Kelin sotadigan maklerlar

Birinchisi, bugungi kunda Toshkentda kelin topib berishga ixtisoslashgan maklerlar paydo bo‘lgan. Ularning xizmati o‘n ming so‘mdan ming dollargacha baholanadi.

«Ularda ikki-uch xil ro‘yxat bo‘larkan, oliy va o‘rta ma'lumotlilar alohida, qulog‘i tishlanganlaru bozori qaytganlar alohida tanishtirilarkan», deydi gazeta.

Ikkinchi yangilik, bugun Toshkent islom universiteti qoshidagi litsey oldida kelin topish ilinjida bo‘lgan sovchilar (ovchilar)ning katta guruhi yig‘iladi. Ular litseydan chiqayotgan qizlarni kuzatib, o‘zlariga ma'qul bo‘lganlarni mo‘ljalga oladi va kelin qilish ilinjida yelib-yuguradi.

Uchinchi yangilik shuki, litseyga kirishdan oldin o‘qish uchun hujjat topshirayotgan o‘quvchilarning ota-onalaridan o‘qish tugamaguncha qizim yoki o‘g‘limning turmush qurishiga yo‘l qo‘ymayman, degan mazmunda ariza yozdirib olinadi.

Eng qizig‘i, O‘zbekistonda qizlar 17 yoshdan turmush qurishi mumkin. Shunga qaramay, yuqoridagi tilxatga asoslanib, 17 yoshdan turmush qurgani uchun litsey o‘quvchilaridan ikki nafari kollejga o‘tkazib yuborilgan.

Eltuz.com