Kundalik
10 noyabr 2015

Kovushini to‘g‘rilab qo‘ygan bo‘lishardi…

Akmal Nabiev
Eltuz.com

Qish mavsumi yaqinlashgani sabab keyingi paytlarda o‘zbeklar muhokama qilayotgan asosiy mavzulardan biri uyni isitish, qanday qilib qishdan sovuq qotmay chiqish bo‘lib qoldi.

Juda ko‘p yurtdoshlarimiz muqobil isitish qurilmalari sifatida o‘z tajribalari bilan o‘rtoqlashmoqda. Jiddiy suhbatlar bo‘lmoqda…

To‘g‘risini aytsam achinib ketayapman, ziyoli insonlar muammo yechimi qolib boshqa narsalar bilan o‘z vaqtlarini behuda yo‘qotayotganiga va yurtdoshlarimizni chalg‘itayotganiga.

Bilasizlarmi, shunday muammolar boshqa davlatlarda bo‘lganida asosiy muhokama qilinadigan narsa muqobil isitish moslamalari emas, balki, aholini issiqlik bilan ta'minlay olmayotgan hukumat rahbarlarining faoliyati bo‘lardi.

Nahotki yurtdoshlarimizga muqobil variantlarni taklif qilayotganlar fikr qilmaydilar-ki O‘zbekiston yetarligidan ortiqcha darajada gaz zahiralariga ega va o‘z aholisiga ravo ko‘rmagan gazni xorijga sotib yuborayotganini? Nega xalqni o‘z haqlarini talab qilishga chaqirish o‘rniga qaerdagi ikkinchi, uchinchi darajali narsalar bilan chalg‘itishadi?

Bundan bir necha yillar avval bizga qo‘shni qishloqda hokim yashardi. Qishloq yo‘llari sovet davridan buyon asfalt ko‘rmagani natijasida dabdalasi chiqib ketgan edi.

Bir safar o‘sha qishloqqa yo‘lim tushib qoldi, ko‘chaning o‘rtasidan xuddi poyandoz to‘shalgandek bir mashina sig‘adigan qilib asfalt bosilibdi.

Asfalt yo‘ldan biroz yurgandim asosiy ko‘cha qolib sovetlar davrida ham asfalt ko‘rmagan dala yo‘liga burildi.

Men ham qiziqish ustunlik qilib o‘sha ko‘chaga burildim. Qarang, shu ketishda ko‘cha yarmida hokim solgan koshona uy oldigacha bordim, undan keyin yana odatdagidek tuproq yo‘l.

Nega aytayapman bu voqeani? Tasavvur qiling shu voqea yurtimizda emas, G‘arbni qo‘yib turing, Rossiyada yoki Qozog‘istonda bo‘lganida xalq o‘sha hokimni o‘z holiga qo‘yib qo‘yarmidi?

Yo‘q! Bunday hokimning darrov kovushini to‘g‘rilab qo‘ygan bo‘lishardi…

Tag‘in o‘qing
6 yanvar 2020
O‘zbekiston “Erk” Demokratik partiyasi lideri Muhammad Solih 1992 yilning 16 yanvarida poytaxtning Talabalar shaharchasida sodir bo‘lib isyon va undan ...
16 noyabr 2016
O‘zbekistonlik 31 yashar yigit firibgarlikda ayblanib AQSh tarafidan xalqaro qidiruvga berildi. 2000 yilda Green Card yutib AQShda istiqomat qila ...
17 mart 2020
2017 yilning 17 mart kuni O‘zbekistonga 1983 yildan 1988 yilgacha rahbar bo‘lgan Inomjon Buzrukxo‘jaevich Usmonxo‘jaev 87 yoshida vafot etdi. ...
18 aprel 2018
Imomlarga va musulmonlar diniy idorasining uy-joyga muhtoj xodimlariga namunaviy uylar bepul beriladi. Prezident 16 aprelda imzolagan “Diniy-ma'rifiy soha faoliyatini ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...