Kundalik
5 aprel 2016

Huquq himoyachisi O‘ktam Pardaev tag‘in ayg‘oqchilar kuzatuvida

3 aprel kuni O‘ktam Pardaev uyining darvozasi oldida, oq rangdagi, nomeri 25 B 239 BA bo‘lgan «Jiguli» rusumidagi avtomobil va uning ichidagi 3 nafar fuqarolik kiyimidagi notanish shaxslar uning uyini videotasvirga olayotganini ko‘rgan.

«Mashinada uch kishi bor edi. Men shaxt bilan ular tomonga yurishim bilan, ularning ikkitasi shosha pisha mashinadan tushishib, xuddi adashib qolgan yo‘lovchilar kabi mendan bir nimalarni so‘rashga tushishdi» – dedi eltuz.com bilan suxbatda O‘ktam Pardaev.

Xuquq ximoyachisi mashinadagilarni o‘z telefonining kamerasida suratga tushurarkan, ular yuzlarini berkitib, o‘ta ko‘pol oxangda «Nega bizni rasmga olayapsan?» deb so‘ray boshlashgan. Ularga javoban O‘ktam Pardaev, «Nega endi sizlarga meni, uyimni va mening oila a'zolarimni suratga olish mumkinu, menga sizlarni rasmga olish mumkin emasmi?!» degan.

«Ular menga shu mahalladagi qanaqadir bir marosimga kelishganini, shu yerda to‘xtab, kechga qolgan sheriklarini kutishayotganini ayta boshlashdi. «Biz seni kuzatayotganimiz yo‘q. Ishonmasang, yur biz bilan va sen bizning yolg‘on so‘zlamayotganimizni o‘zing ko‘rasan» dedi ulardan biri.

Ular men bilan gaplasharkan, mashina ichida qolgan ularning sherigi videokamerani berkitishga urinayotganini ko‘rdim. Men ularga, tez yo‘qoling bu yerdan, aks xolda ustingizdan militsiyaga arz qilaman dedim va ular ketishdi» – dedi O‘ktam Pardaev.

rasm262
Uyiga o‘t qo‘yilishidan avval huquq himoyachisi Dmitriy Tixonovning ham ortidan mashinada ayg‘oqchilar kuzatgan edi

Paxtada majburiy mehnatni yoritgani uchun

Xuquqbon o‘z uyi atrofidagi kuzatuvchilarning yaqindan buyon paydo bo‘lib qolganini aytar ekan, buni paxta dalalaridagi chopiq ishlarining boshlanishi bilan bog‘laydi.

«G‘o‘za chopig‘i boshlanishi bilan, xokimiyat o‘qituvchilar, vrachlar va talabalarni dalaga chiqarishni boshlaydi. Va ular biz – xuquqbonlarning bu xolat bo‘yicha monitoringlar o‘tkazishimizni xam bilishadi. Shuning uchun o‘ylaymanki, xokimiyat aynan shu sababli meni yana nazoratga olishgan bo‘lishlari mumkin» – deydi xuquq ximoyachisi O‘ktam Pardaev.

Shu kunning o‘zidayoq, O‘ktam Pardaev o‘zini kuzatayotganlar ustidan shaxar militsiyasiga shikoyat arizasi yo‘llaganini aytadi. “Ular shikoyatimga javob bermasliklarini bilaman, boz ustiga, endi bu “iskovuchlar” ko‘zga tashlanmasdan kuzatishga o‘tishadi», deydi yana O‘ktam Pardaev.

Xuquq ximoyachisi O‘ktam Pardaev o‘tgan yilning 16 noyabr kuni, tovlamachilik va pora berish kabi to‘qima ayblovlar bilan xibsga olingan edi.

11 yanvar kuni Do‘stlik tuman jinoiy ishlar bo‘yicha sudi uni sud zalidan ozod qilgan va prokuror uni bundan buyon Xuquq ximoyasi bilan shug‘ullanmasligi xaqida ogoxlantirgan edi. Eltuz.com cayti O‘ktam Pardaev ustidan ko‘zg‘atilgan jinoiy ish maxsus uyushtirilgani xaqida avval xam xabar bergandi.

Ulug‘bek Ashur
Eltuz.com

Tag‘in o‘qing
22 sentyabr 2020
Ichki ishlar vazirining sobiq o‘rinbosari Muhiddin Jo‘raev Toshkent shahri ichki ishlar bosh boshqarmasi boshlig‘ining birinchi o‘rinbosari lavozimiga tayinlandi, deb ...
30 oktyabr 2017
Marhum prezident Islom Karimov zamonida jinoiy javobgarlikka tortilgan juda ko‘p amaldorlar amaldagi davlat rahbari davriga kelib yuksak lavozimlarga tayinlanmoqda. ...
18 oktyabr 2015
Shoxrux Aliboev, 2013 yilning 27 iyunida ota onasidan ajratilib bolalar uyiga topshirilgan edi. +video
15 oktyabr 2018
O‘zbekistonda Uy-joy kodeksiga kiritilgan o‘zgarishlarga ko‘ra, endilikda davlat va jamoat ehtiyoji uchun olib qo‘yilayotgan uylarning faqat mulkdorlarigina turar joy ...
Bloglar
23 noyabr 2021
Yangi milliy kutubxona qurilishi (yangi milliy teatr qurilishi ham) yangi va yap-yangi O‘zbekistondagi eng keraksiz ...
21 noyabr 2021
Siyosatchi bo‘lish¸ siyosatga kirish bugungi O‘zbekistonda boshni kundaga qo‘yish bilan barobar. Bu haqda Jahongirga yozuvdim ...
11 noyabr 2021
Xalqaro jurnalist «Agneshkaxon voqeasi» ko‘p savollarga javoblarni ochib berdi. Kelinglar, jonajon akkreditatsiyadan boshlaymiz. Aynan ularni ...