«Ogohlik» marshining old saflarida…

O‘zbekistondagi partiyalarning nashrlarini ko‘zdan kechirib, ularning parlamentdagi deputatlariga o‘z saylovchilari bilan ogohlik, hushyorlik, «yot g‘oyalarga qarshi kurash» mavzularida uchrashuvlar o‘tkazish vazifasi yuklanganiga goh bo‘lasiz.

Xususan, «Adolat» gazetasi partiya fraktsiyalari a'zolari o‘z saylovchilari bilan «Tinchlik, osoyishtalik va barqarorlik – jamiyat taraqqiyotining muhim omili» mavzuida ma'naviy-ma'rifiy suhbatlar tashkil etayotgani haqida yozdi.

Partiyaning hali kollej o‘quvchisi (!) bo‘lgan a'zosining mana shunday uchrashuvlar haqidagi fikrlari quyidagicha: «Har xil toifadagi g‘alamis kuchlar aholi, xususan, yoshlar ongini zaharlash uchun turli yo‘l va vositalarni ishga solayotganliklari sir emas.

Biz yoshlarda mafkuraviy immunitetni mustahkamlash uchun faol targ‘ibot olib borishimiz darkorligini yana bir bor his etdik».

Hali ona suti og‘zidan ketmagan bu partiya a'zosi targ‘ibotga bunchalik ishqibozligi uning katta ustozlaridan yaxshi saboq olganidan bir darak.

Eltuz.com