Kundalik
22 dekabr 2015

Shved bolalari: “Muhammad Bekjonga ozodlik!”

Amnesti tadbirlari doirasida Shvetsiya maktablarida Muhammad Bekjon ozodligiga bag‘ishlangan installyatsiyalar o‘rnatildi.

“Gimnaziyamizning qorong‘u bir burchagida panjaralar o‘rnatdik, panjara ortiga esa dunyodagi siyosiy mahkumlarning ramziy suvratlarini ildik”, – deydi 14 yashar Qunduz Sherikboeva, Shvetsiyadagi gimnaziya talabasi.

Uning so‘zlariga ko‘ra, uning sinfdoshlari guruhlarga bo‘linib, diktatorlik rejimi jabrdiydalari mahkumlikda qolayotgan hukumatlarga maktublar yozishlari, fuqarolardan ularni yig‘ishlari, flesh-moblar o‘tkazishlari lozim.

“Qizim o‘spirinlikka qadam qo‘yarkan, dunyoqarashlari ham ancha o‘zgarib qoldi. Uni ayniqsa O‘zbekistonning bugungi siyosati, nohaq qamalganlar va turmalardagi qiynoqlar ko‘proq qiziqtirmoqda. Mavlud bayrami ta'tilida ham u, inson huquqlari aktsiyalarida ishtirok etmoqda.” – deydi uning onasi, Go‘zal Sherikboeva.

Qizining o‘zbek siyosatiga qiziqishlari bejiz emas, Go‘zalning o‘zi ham ko‘pdan “Erk” Demokratik partiyasiga a'zosi, so‘nggi o‘n yil mobaynida partiyaning Shvetsiyada bo‘lib o‘tgan aktsiyalarida qatnashgan.

Qunduz Shvetsiyada tug‘ildi, o‘zbek tilida ham uncha yaxshi gapira olmaydi. Biroq uning hayratiga sabab, o‘z tarixiy vatanida sodir bo‘layotgan nohaqliklardir.

“Mening tug‘ilgan vatanim Shvetsiya, biroq tarixiy vatanimiz O‘zbekistonda bugun diktatura hukmron, biz mazlum o‘zbek jamiyatiga yordam qo‘lini cho‘zishimiz lozim”, – deydi Gimnaziyada huquq fanidan tahsil olayotgan va tengqurlarini Muhammad Bekjon ozodligiga bag‘ishlangan ijtimoiy aktsiyalarda ishtirok etishga chorlayotgan Qunduz.

Uning shved o‘smirlaridan iborat guruhi o‘zbek turmasi mulozimlariga shved fuqarolari nomidan yozilgan maktublar va otkritkalar yig‘ishmoqda, ayni paytda bu maktublar pochta orqali O‘zbekistonga jo‘natiladi.

Qunduz endilikda o‘z oldiga huquqshunos bo‘lishni maqsad qilgan, mamlakat hurriyati yo‘lida kurashib, eng uzoq yillar turmada qolib kelayotgan jurnalist Muhammad Bekjon hayoti, ijodi va kurashi Qunduz uchun bir ulug‘ o‘rnak kabi ko‘rinmoqda.

Eltuz.com

Tag‘in o‘qing
1 mart 2017
O‘tgan hafta Kiev sudi Islom Karimovning bevasi Tat'yana Karimovaning jiyani Akbarali Abdullaevni O‘zbekiston Bosh prokuraturasining ekstraditsiya talabi bilan bir ...
7 avgust 2020
Qishga tayyorgarlik. Pomidor va qalampirni o‘zim yetishtirib, quritib, ipga o‘tkazib devorga ildim. Ko‘o‘p bonkayam berkitganmiz. Kompotlarim ham yetarli. Ozroq ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida fikr yuritadi. @eltuz
16 may 2018
Andijon shahrida yo‘l o‘rtasidagi temir to‘siqlar shu hafta boshidan butunlay olib tashlanmoqda. Yo‘l patrul xizmati xodimlarining ta'kidlashlaricha, bunga shaharda ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...