Kundalik
4 yanvar 2016

O‘likning tabrigi

Qudrat Bobojon
Eltuz.com

Eltuz manbalariga ko‘ra janozada ortiqcha gap so‘z bo‘lmasligini MXX zobitlari maxsus nazorat qilgan.

O‘z TV diktori Abdumo‘min O‘tbosarov 31 dekabr kuni efirda prezident tabrigini o‘qib eshittirdi. Ëzib olingan bu tabrik efirga ketayotganida Abdumo‘min O‘tbosarov allaqachon o‘lib bo‘lgan edi.

O‘tbosarov keng qamrovli infarkt oqibatida olamdan o‘tgani aytiladi. Eltuz manbalariga ko‘ra, O‘tbosarov prezident tabrigini 30 dekabr kuni o‘qigan.

31 dekabrga kelib esa prezident devonidan tabrikning taxrir qilingan varianti tushgan.

O‘tbosarov bu variantni o‘qish asnosida MTRK direktori bilan nizoga kirishgan. MTRK direktori O‘tbosarovni iznsiz uyga ketib qolganlikda ayblab tergagan. MTRK raisi kabinetidan chiqqan diktor o‘zini yomon his qilgan. O‘z TV binosidagi hamshira unga ukol qilgan. Bu kor qilmagach, O‘z TV binosiga tez yordam chaqirilgan. Abdumo‘min O‘tbosarov 31 dekabr kuni taxminan kunduzgi soat 11 larda kasalxonaga olib kelingan va o‘sha yerda jon bergan.

O‘tbosarov jon bergani xabari O‘z TVga yetgach rahbariyat zudlik bilan tabrikni boshqa diktorga qayta o‘qittirgan.

Eltuz manbalariga ko‘ra, tabrikning ikkinchi dublini diktor Alisher Badalov o‘qigan. Ammo rahbariyat Badalov ijrosidan qoniqmgan va marhum suxandon o‘qigan tabrik efirga ketgan.

Bor gap shu. “O‘likning tabrigi” degan jumlani ilk bora 1999 yili men Bosh muxarrir bo‘lgan Urganchdagi Ey El Si telekompaniyasi xodimi Nigora Abdullaevadan eshituvdim. Reklama ishlariga bosh qosh bo‘lgan Nigora o‘sha kuni olamdan o‘tgan mahalliy deputat o‘limi haqidagi xabarni efir setkasiga joylashtirar ekan “O‘likning tabrigi” degan jumlani ishlatdi. Zotan efir setkasidagi “Tabriklar” degan joyga ilk bor ta'ziya e'loni qo‘yilayotgan edi.

Tag‘in o‘qing
6 sentyabr 2016
Dunyodan o‘tgan O‘zbekiston prezidenti Islom Karimov xotirasiga butun mamlakat bo‘ylab osh tarqatish buyurilgan. Imomlar va mahalla faollari boshchiligidagi osh ...
24 iyun 2019
Navoiy viloyatining Karmana tumanida yashovchi faol, 2-guruh nogironi, 43 yashar Dildora Boymurodova norozilik namoyishiga chiqish haqidagi bildirgisiga viloyat hokimligidan ...
10 iyun 2019
«O‘zatom» agentligi 9 iyun kuni O‘zbekistonda AES qurilishiga qarshi blogerlar sharhlariga javob berdi. «O‘zatom» javobidan ma'lum bo‘lishicha, O‘zbekistonda atom ...
27 oktyabr 2023
1923 yilning 13 dekabrda Toshkentda RCP (b) Markaziy qo‘mitasi Markaziy byurosiga Turkiston SSRning 30 taniqli «qirg‘iz ishchilari» tomonidan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...