Kundalik
12 yanvar 2016

Tursinova: “Tergovda erimning oyoqlarini sindirishgan”

Ulug‘bek Ashur
Eltuz.com

11 yanvar kuni Jizzax viloyat jinoiy sudida bo‘lib o‘tgan maxkamada sudlanuvchi Aramais Avakyan tergovda o‘ziga nisbatan qiynoqlar qo‘llangani va qo‘yilayotgan ayblovlarni bo‘yniga olmasligini bildirdi.

Jizzaxning Paxtakor tumanida baliq yetishtiruvchi xo‘jalik ochgan Aramais Avakyan va uning 4 nafar sherigi ustidan boshlangan sud majlisi 11 yanvar kuni davom etdi.

Sud ishtirokchilari jarayonni maxalliy TV tasvirga olayotganini, shuningdek sudgacha ayblov hulosasi na sudlanuvchilarga va na ularning yaqinlariga berilmaganini aytishmoqda.

Sud raisi Asqar Mamaraximov uni o‘qirkan, Aramaysning rafiqasi Shirin Tursinova xushini yo‘qotayozganini aytadi.

“Aramais va uning sheriklari maxalliy xokimiyatni bosib olishni va u yerdagi raxbarlarni, militsiya xodimlarini o‘ldirishni rejalaganmish… Yetti uxlab tushimizga kirmagan ayblovlar!” — deydi u.

Sudlanuvchilarga diniy ekstremizm va konstitutsiyaviy tuzumga tajovuz kabi ayblovlar qo‘yilmoqda. Tergov xulosasiga ko‘ra, Aramaisning uyidan diniy adabiyotlar va ta'qiqlangan film disklari topilgan.

“Taqiqlangan deyilayotgani, asli davlat nashriyotida bosilgan “Men namozni o‘rganaman” va “Islom aqidasi” kitoblari. Ularni, kezi kelsa o‘qiyman deb o‘zim sotib olganman. Film disklariga kelsak, tintuv paytida biznikidan faqat multiklar yozilgan disklar chiqqan xolos. ”, — deydi Tursinova.

Biroq, prokuror Shavkat Turdibekov, ayblov xulosasini o‘qirkan, Aramaisning uyidan, O‘zbekistonda namoishi ta'qiqlangan Turkiya kinoustalari yaratgan “Qashqirlar vodiysi” seriali disklari chiqqanini aytgan.

Shirin Tursinova shu zaxoti bunga karshilik bildirib, uylarida umuman bu film bo‘lmagani, disklarni tergovchilar ishga tirkab qo‘yganini sudyaga aytadi.

Tushuntirish chog‘ida asabiylashib, ovozini ko‘targani uchun, uni “Sudyaga xurmatsizlik qildi” deb, zaldan tashqariga chiqarib yuborishgan.

Sud zalida bo‘lgan boshqa ishtirokchilar, Aramais va Dilshodlar ayblovni tan olishmagani, ularga tergov davomida qiynoqlar qo‘llangani, jumladan Aramayisning ikki oyog‘i sindirilganini aytishmoqda.

“Dilshod xam, Aramais va boshqa yigitlar ham ezilib ketishgan, bir burda bo‘lib qolishgan”, — deydi sudlanuvchi Furqat Jo‘raevning qarindoshlaridan biri.

Sudlanuvchi Aramaisning advokati Olim Qobilov sudda o‘z himoyasidagilardan, ularga qiynoqlar va boshqa bosimlar qo‘llanilgani haqida yozib berishlarini so‘ragan.

Sudlanuvchilardan faqat Furqat Jo‘raev o‘z aybiga to‘liq iqrorligini bildirgan. Bektemir Umurzoqov va Akmal Matmurodovlar esa, faqat o‘g‘irlik fakti bo‘yicha ayblovni tan olishib, ekstremizm va konstitutsiyaviy tuzumga tajovuz xaqidagi ayblovni butunlay inkor qilishgan.

Sud 13 yanvargacha tanafus e'lon qildi.

Tag‘in o‘qing
30 sentyabr 2019
“Bizdan jiz-z!”ning bugungi sonida shvetsiyalik o‘zbek muhojiri Do‘stnazar Xudoynazarov qizil va oq baliqdan «oltin baliq» qanday tayyorlanishini namoyish qiladi. ...
16 avgust 2017
Shoir Maqsud Bekjon 1961 yil Xorazmda tug‘ilgan. Moskvadagi Maksim Gorkiy nomli Adabiyot institutini tamomlagan. Uchta she'riy kitob va ikkita ...
2 sentyabr 2016
Konstitutsiya chekloviga qaramasdan 27 yil prezidentlik lavozimida o‘tirgan Islom Karimov dafn qilinar ekan, undan keyin kim bo‘ladi degan savol ...
24 iyul 2017
Maktablarning 11 yillik ta'limga qaytishi ortidan Andijondagi kollejlarning yuzlab o‘qituvchilari ishsiz qolmoqda. Andijon shahridagi 2-son Maishiy xizmat kasb-hunar kolleji ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...