Dayjest
26 aprel 2016

Tanishing, «mablag‘laringizning eng ishonchli qo‘riqchisi»!

Bank mas'ulining aytishicha, ayni paytda «O‘zsanoatqurilishbank» tomonidan berilgan bank plastik kartochkalari soni 1 milliondan oshib ketgan.

«Plastik kartochkalar naqd pulsiz hisob-kitobni amalga oshiruvchi vositagina bo‘lib qolmay, mamlakat iqtisodiyotini ko‘tarish, moliyaviy tizimni mustahkamlash, inflyatsiyaning oldini olish, naqd pul muomalasining bank orqali aylanishini ta'minlashda muhim rol o‘ynaydi», deydi bank mas'uli.

Lekin maqolada aslida plastik kartochkalar bugun oddiy o‘zbekistonliklar uchun hayot kechirish darajasining pasayishiga xizmat qilayotgan manbaga aylangani haqida bir so‘z ham aytilmaydi. Chunki, deylik, siz 1 million oylik olsangiz, uni naqdlashtirish uchun kamida 10 foiz, ko‘pi bilan 20 foiz pulingizdan kechishingiz kerak. Demak kamida 100 ming so‘m, aks holda peshona teringiz bilan topgan 200 ming so‘mgacha pulingizdan ayrilishingiz hech gap emas.

Shuning uchun bo‘lsa kerak, gazeta muxbiri bank mas'uliga O‘zbekiston bank tizimi aslida plastik kartalar bilan ishlashga to‘la tayyor bo‘lmay turib, nega bu qadamni qo‘ydi, degan savolni bermagan.

Qolaversa, yuqoridagi fikrlarimizga tasdiqni ham shu gazetadan topdik.

Unda yozilishicha, farg‘onalik pensionerning pensiyasi uning roziligisiz plastik kartochkaga o‘tkazilgan. Fuqaro esa bundan norozi bo‘lgan va pensiyasi naqd pul bilan berilishini talab qilib tahririyatga murojaat etgan. Natijada pensiya jamg‘armasi uning nafaqasidan 70 foizini naqd pul ko‘rinishida berish to‘g‘risida qaror qabul qilgan.

Qarang, shunda ham davlat pensionerning bir umr ishlagan pulidan yuz foizini naqd berishga ko‘nmayapti.

Nega oddiy xalq o‘z mablag‘larining «ishonchli qo‘riqchisi bo‘lgan» plastik kartochkalarga ko‘nmayapti ekan?

Eltuz.com

Tag‘in o‘qing
8 avgust 2022
O‘zbekiston va Markaziy Osiyoda tanilgan 44 yashar pop qo‘shiqchi va siyosiy faol Jahongir Otajonovning Turkiyadagi shaxsiy mashinasi o‘g‘irlab ketildi. ...
18 avgust 2018
Hozirda AQSh bo‘ylab sayohat qilayotgan, ko‘pchilikka «Alvido, Jasliq!» kitobi bilan mashhur sobiq siyosiy maxbus Muhammad Bekjon «Eltuz» nashri o‘quvchilari ...
26 aprel 2016
Dori darmon muammosi O‘zbekistonda ayniqsa aholiining eng davolanishga ko‘proq muhtoj va ijtimoiy nochor qatlami qariyalar uchun hayot momot masalasi ...
9 mart 2020
O‘zbekiston Jinoyat kodeksi asosida “pul mablag‘larini va (yoki) boshqa mol-mulkni jalb etishga doir noqonuniy faoliyat»i uchun ustidan jinoyat ishi ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...