Kundalik
1 may 2016

«GM Uzbekistan» Bosh direktori qamaldi, Bosh vazir o‘rinbosari Ro‘ziqulov iste'fo arizasini yozdi

O‘zbekistonda eng oliy hukumat izni bilan yagona monopolist pereferentsiyasi berilgan «General motors» ustamalariga boshqa «o‘g‘riboshi» egalik qilishi rejalangan ko‘rinadi.

GM Uzbekistan avtomobil shirkati Bosh direktori Toxirjon Jalilov tovlamachilik yo‘li bilan 200 million dollarni o‘zlashtirganlikda ayblanib o‘tgan hafta qamoqqa olindi.

Eltuz.com muxbiriga sizdirilgan ma'lumotda aytilishicha, 46 yashar Toxirjon Jalilov MXX ning maxsus guruxi tarafidan hibsga olinib Gvardeyskiy ko‘chasi deb ataladigan mavzedagi MXX yerto‘lasiga joylashtirilib tergov qilinmoqda.

Pul o‘zlashtirish sxemasi

2010 yildan beri o‘zbek avtokontsernini boshqarayotgan va ayni paytda «Uzavtosanoat» hissadorlik shirkati boshqaruv raisi o‘rinbosari bo‘lgan Jalilov “Rossiyaga jo‘natilgan avtomobillarni kriminal sxema asosida sotib pulini o‘zlashtirish” da ayblanmoqda.

Bu sxema asosida «o‘zlashtirilgan pullar offshor hududlardagi cho‘ntaklar»ga tushganligi Eltuz.com muxbiriga sizdirilgan ma'lumotda iddao qilinadi.

GM Uzbekistan avtomobil shirkatida ishlovchi muxandis Eltuz.com muxbiri bilan tarmoqda yozishib, Jalilov doxil yana bir nechta kishi hibsga olinganligini tasdiqladi.

Muxandisga ko‘ra, gap “Rossiyaga eksport qilinishi lozim bo‘lgan Ravon rusumli mashinalar bilan bog‘liq kriminal sxema haqida ketmoqda.

Mashinalar Rossiyaga «go‘yoki» eksport qilinadi. Aslida bu mashinalar Toshkentdan bir necha kilometr naridagi Qoplonbek postiga yaqin joyda, ya'ni Qozog‘istondagi maxsus joyda saqlab turiladi.

Mashinalar fiktiv tarzda Rossiyada “sotilganidan” keyin ular yana O‘zbekistonga qaytib kirib mamlakat fuqarolariga qayta sotiladi, deya iddao qilgan GM Uzbekistan muxandisiga ko‘ra, “navar 500 million AQSh dollari” dan kam emas.

Pul egalarining taxt uchun kurashi

Eltuz.com muxbirining o‘rganishicha, bu masala 26 aprel kuni O‘zbekiston va Rossiya rahbarlarining uchrashuv paytida ham kun tartibining matbuotga ochiqlanmagan qismida bo‘lgan.

Yana aniqlanishicha, Jalilovning hibsga olinishiga sabab bo‘lgan avtomobil ishlab chiqarish sohasiga oid kompromatlar O‘zbekiston moliya vaziri Rustam Azimovga qarshi guruxning ishidir.

Azimov muhtamal voris, ya'ni O‘zbekistonning “ertangi prezidenti” bo‘lishi haqidagi gap-so‘zlar ortidan Azimovga qarshi axborot urushi nishonalari ko‘rina boshladi.

Eltuz.com muxbiri, o‘z tasarrufidagi ma'lumot iddaolar asosida “Rustam Azimov guruhi o‘zlariga qaratilgan hujum strelkasini Bosh vazir o‘rinbosari Ulug‘bek Ro‘ziqulovga qarshi yo‘naltirdi” degan hulosaga keldi.

Ma'lum bo‘lishicha avtosanoat uchun ma'sul bo‘lgan O‘zbekiston Bosh vazir o‘rinbosari Ulug‘bek Ro‘ziqulov “gunoh echkisi” sifatida qurbonlikka hozirlanmoqda.

Ulug‘bek Ro‘ziqulov, prezident Karimovning 2012 yilgi qarori bilan Bosh vazir o‘rinbosari, ayni paytda «O‘zavtosanoat» AK boshqaruv raisi, Mashinasozlik, elektrotexnika va aviatsiya sanoatini rivojlantirish, mahsulotlarni standartlashtirish masalalari majmuasi rahbari etib tayinlangan edi.

“Har xolda o‘tgan juma kuni Ro‘ziqulov o‘z vazifasidan iste'fo berish haqida arizani yozdi” deb takidladi Eltuz.com manbasi.

O‘zbeklar uchun jamloqqa yig‘ilgan mashinalar

Manbaning ishonishicha, Asakadagi GM Uzbekistan avtomobil zavodi hamda Toshkentdagi General Motors Powertrain Uzbekistan zavodi “hokimiyat va ko‘cha o‘g‘rilari” tarafidan boshqarilmoqda.

O‘zbekiston avtomobil sanoatining bir yillik savdo aylanmasi 2015 yilda 4 milliard dollarni tashkil etdi.

“O‘zavtosanoat” hissadorlik jamiyati tarkibidi bugungi kunda 70dan ortiq korxona faoliyat yuritayotir. Ular orasida “GM Uzbekistan”, Samarqand avtomobil zavodi, “JV MAN Auto — Uzbekistan” avtomobil zavodi bor.

Bu – “GM Uzbekistan” mashinalariga ortiqcha imtiyozlar berib, O‘zbekiston ichida uning mutlaqo raqobatsiz darajada ichki bozorda belgilangan narxlarda sotilishida, ayni paytda chetdan keltiriladigan mashinalarning o‘ta yuqori darajada boj soliqlariga tortilishida ko‘rinadi.

Ayni paytda, tashqi bozorda mashinalar narxi juda past, “ko‘cha egalari” uni ichki bozorda sotishdan ko‘proq manfaatdor.

Eltuz.comning Chimkentdagi hamkori o‘zbek haridorlari uchun, eksportga chiqarilgan mashinalar saqlanayotgan «otstoynik» (jamloq) ni borib ko‘rdi.

Hamkorimizga ko‘ra, jamloqda kamida o‘n mingdan ziyod «Ravon» avtomobillari turibdi.

Abdujamil Do‘stmuhammad
Eltuz.com

Tag‘in o‘qing
3 fevral 2016
Mustaqil jurnalist Maloxat Eshonqulova navbatdagi videolavhasida yaqinda o‘zbek turmasidan ozod etilgan mahkum huquq himoyachisi O‘ktam Pardaevga mikrofon tutadi. “O‘zbek ...
21 noyabr 2019
Hajviy xabar Toshkent shahri Ichki ishlar bosh boshqarmasi xodimlari tomonidan o‘tkazilgan tezkor tadbirlardan biri yuqori lavozimli amaldor aralashuvi bilan ...
20 mart 2020
Ko‘chadan kelib, qo‘limni kirsovun bilan uch qaytalab yuvdim. Keyin spirt bilan chaydim. Keyin limon siqib, suvi bilan yuz qo‘limni ishqaladim.  ...
17 yanvar 2022
Andijon viloyatining Baliqchi tumanida 11 yanvar kuni paxta pullarini ololmayotgan fermerlar norozilik bildirib, “Tetrateks” klasteri binosi oldiga to‘planishdi. Fermerlarning ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...