Kundalik
13 may 2016

Bosh vazir o‘rinbosari “chaqimchi kampir”larni martabaga loyiq ko‘rdi

Maxallaning sirini yuqoriga sim qoqib turadigan kampirlarga mahallalarning diniy ma'rifat va ma'naviy-axloqiy tarbiya masalalari bo‘yicha maslahatchisi lavozimi ato qilindi.

Bu haqda O‘zbekiston Bosh vazirining o‘rinbosari va Xotin-qizlar qo‘mitasi raisi Elmira Bositxonova Farg‘ona viloyatiga safari davomida ma'lum qildi.

Bositxonovaga ko‘ra “axloq maslahatchisi” lavozimi shaxsan prezident tomonidan joriy etilgan.

Bosh vazir o‘rinbosari tavsiyasiga ko‘ra har bir mahallada bir nafar keksa onaxon kerali joyga sim qoqib “Kimning qanday nafas olayotgani haqida” habar berib turishi lozim.

«Har bir mahalladan bir nafardan keksa onaxonlarni o‘zlaringizga vakil qilib olinglar. Har kuni o‘sha mahalladagi vakilingizga qo‘ng‘iroq qilib, mahallada kimning uyida notinchlik bo‘lganligini, kimning farzandi ikki kundan buyon uyga kelmayotganligini, yana kimning uyiga qanaqa mehmonlar kelganligini so‘rab oling. Toshkentning Chilonzor dahasidagi bir mahalla inspektori xuddi shunday qilar ekan, o‘sha inspektorning ishini respublikada ommalashtirmoqchimiz», deya ta'kidlagan Bositxonovaning so‘zlaridan Britaniyadagi Bi-bi-si radiosining o‘zbek hizmati iqtibos keltirdi.

rasm1137
O‘zbekiston Bosh vazirining o‘rinbosari ayollar uchun xovuz kavlash, milliy siynaband va “uzbikini” yaratish takliflari bilan ham chiqqan edi

“Sim qoqadigan Sotti”

Said Ahmadning “Kelinlar qo‘zg‘oloni” asarida kelinlar sirini qaynonaga yetkazib turadigan shpion kelin – Sotti obrazi bor.

Oilalar ustidan nazoratni kuchaytirishga chaqirgan O‘zbekiston Bosh vazirining o‘rinbosari Elmira Bositxonova o‘z vaqtida “Kelinlar qo‘zg‘oloni” komediyasini ko‘rib hayotga tadbiq etmadimikan degan fikr ham bor.

Said Ahmad asaridagi Sotti oila sirlarini faqat bitta odam ya'ni Farmonbibiga shipshitib turar edi.

Martabaga loyiq ko‘rilgan “chaqimchi kampir”lar mahalla sirlarini kimga yetkazishi masalasiga Elmira Bositxonova oydinlik kiritmagan.

Mahalla oqsoqoli va posbonlarning Milliy Xavfsizlik Xizmatiga “quloq”ligi e'tiborga olinsa, kampirlarning kimga sim qoqishi ham ma'lum bo‘ladi.

Bositxonova bundan oldin o‘zbek qo‘shiqchi ayollarining yupun kiyingani borasida zarda qilgan edi

O‘zbekiston Bosh vazirining o‘rinbosari ayollar uchun xovuz kavlash, milliy siynaband va “uzbikini” yaratish takliflari bilan ham chiqqan edi.

Muqaddas Ro‘zimurodova
Eltuz.com

Tag‘in o‘qing
11 avgust 2018
O‘zbek turmasida eng uzoq qolgan jurnalist Muhammad Bekjon kitobining navbatdagi bobida Jasliq koloniyasidagi har shanba o‘tkaziladigan hammom kuni, mahbuslarni ...
12 sentyabr 2023
Joriy yilning 6 sentyabr kuni Mo‘ynoqda chorvachilikni rivojlantirmoqchi bo‘lgan Chorva Mo‘ynoq Bosh direktori Polvonnazar Rahimovning Qoraqalpog‘istondagi rasmiylar sansolarligi va ...
13 oktyabr 2016
Gulnora Karimova deya ishonilayotgan Afina@zabitaya1972 yuzeri bugun akkauntining buzilgani haqida xabar qoldirdi. «Mening qadrdonlarim, mening profilimni buzishdi! Butun kun ...
20 oktyabr 2023
Bu ne kundir, atrofingga boqsang sekin, U ham kerak, sen ham kerak, men ham kerak. Barchamizni davrasiga to‘plab, lekin Bir ...
Bloglar
8 fevral 2025
Shu paytgacha «Anora» degan ikki film olindi. Bittasi yetim qizning ashlachi bo‘gani haqida¸ yana bittasi ...
23 yanvar 2025
O‘zbekiston mudofaa vaziri Xolmuxammedov bosqinchi gazanda Rossiya bilan 2026-2030 yillarda harbiy sohada strategik hamkorlik dasturi ...
20 yanvar 2025
O‘zbekiston prezidenti uyida yirtqich hayvon¸ ilon va xasharotlarni boqadiganlar jazolanishi haqidagi qarorni 16 yanvar kuni ...