Kundalik
20 may 2016

O‘zbekiston hukumati inson huquqlari himoyachisi Yelena Urlaevani asab kasalliklari shifoxonasida ushlab turibdi

Mashhur faollardan biri va O‘zbekiston huquq himoyachilari alyansi yetakchisi Ye.Urlaeva ko‘p bora og‘ir voqealarni boshdan kechirgandan keyin 9 mart kuni shifoxonaga joylashtirilgan edi.

Aprel oyi oxirida Ye.Urlaevaning davolovchi vrachi unga va o‘g‘liga huquq himoyachisining salomatligi yaxshilagani va 2 may kuni shifoxonadan chiqishga ruxsat berilishini ma'lum qilgandi. Biroq shifoxona hali ham uni chiqarib yuborishdan bosh tortmoqda. Bu esa hukumat Ye.Urlaevaning shifoxonada bo‘lishidan uni hech qanday sababsiz va muddatsiz ushlab turish maqsadida foydalanish uchun shifokorlarga bosim o‘tkazgan, degan jiddiy xavotir uyg‘otadi.

«Yelena Urlaevaning asab kasalliklari shifoxonasida hech qanday tibbiy asossiz ushlab turilishi tibbiy etikaning qo‘pol ravishda buzilishi hisoblanadi, – dedi O‘zbekiston-Germaniya inson huquqlari forumi direktori Umida Niyozova. – U zudlik bilan ozod etilishi kerak, O‘zbekiston hukumati esa shifoxonalardan sudsiz ushlab turish vositasi sifatida foydalanishni to‘xtatishi zarur».

Yelena Urlaeva hukumatning ko‘plab ta'qiblariga qaramay, inson huquqlari himoyasi sifatidagi matonatli va fidokorona xizmatlari ortidan «O‘zbekistonda eng jasoratli inson» deb tan olingan.

Ko‘p yillar davomida u nohaq ta'qiblarga uchraganlarni himoya qilib keldi, amaldorlarning o‘z mansab vazifasini suiiste'mol qilishiga qarshi kurashdi.

O‘zbekiston hukumati Ye.Urlaevaning ovozini o‘chirish uchun unga qarshi turli chora-tadbirlar qo‘lladi, jumladan, 2015 yilda besh marta hibsga oldi.

«Jahon banki, Xalqaro mehnat tashkiloti va Toshkentdagi diplomatik vakolatxonalar Yelena Urlaevaning ozod etilishi uchun o‘zbek hukumatiga bosim o‘tkazishi, hukumatni huquq himoyachilarini ta'qib qilgani uchun javob berishga chaqirishi juda muhimdir», deydi Mehnat huquqlari xalqaro forumi (ILRF) ijrochi direktori Judi Gerhart.

O‘zbekiston hukumati Yelena Urlaevaning paxta sektoridagi majburiy mehnat to‘g‘risida ma'lumot tarqatayotgan hamkasblarini ham jazolamoqda. 2015 yilda bu borada monitoring o‘tkazgani uchun militsiya Dmitriy Tixonovni hibsga oldi, kaltakladi va «bezorilik»da aybladi. Oxir-oqibatda uni mamlakatdan qochib ketishga majburladi.

2015 yilda amaldorlar O‘ktam Pardaevni hibsga oldi, monitoring o‘tkazishda foydalanadigan kompyuteri va fayllarini musodara qildi. Keyin esa u ikki oy davomida hibsda ushlab turilib, kaltaklandi.

Ayni paytda xalqaro hamjamiyatning yanada kuchliroq qo‘llab-quvvatlashi talab etiladi.

O‘zbekiston hukumatining inson huquqlari himoyachilari ovozini o‘chirish maqsadidagi faol xatti-harakatlari uning Xalqaro mehnat tashkilotining asosiy konventsiyalariga rioya etish to‘g‘risida XMT oldida olgan majburiyatiga putur yetkazmoqda.

Hukumat mehnat qonunchiligiga rioya etish yuzasidan Jahon banki oldidagi majburiyatini buzmoqda. Monitoringchilarning mehnat qonunchiligi buzilishi haqida xabarlar berish harakatlariga to‘sqinlik qilish orqali hukumat o‘z fuqarolariga qonun ustuvorligi xalqaro sarmoyalarni jalb etish uchun faqat qog‘ozdagina mavjudligi to‘g‘risida mujda bermoqda, deyiladi «Paxta kampaniyasi» koalitsiyasining press-relizida.

Eltuz.com

Tag‘in o‘qing
17 sentyabr 2018
Bir vaqtlar Islom Karimov nonning narxini oshirmaymiz, deb katta va'da bergan, lekin keyinchalik ko‘p bora kuzatilganidek, o‘z va'dasining ustidan ...
9 avgust 2018
Ayni paytda Toshkent arxitektura-qurilish instituti oldidagi chinorlarning bir nechasi ham tuman obodonlashtirish idorasi tomonidan kesib tashlangan. Rassom Tuz 2015 ...
6 aprel 2018
Prezident Shavkat Mirziyoevning moliya tizimi va tender «o‘yinlar»ini tanqid qilgani ortidan O‘zbekistonda ochiq tender savdolari bekor qilindi va davlat ...
3 iyul 2018
Toshkent tumain hokimligi kafolati bilan Turkiyadan qaytgach, 26 iyunda hibsga olingan yirik tadbirkorlar Obid va Olim Bahromovlar Davlat xavfsizlik ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...