Dayjest
23 may 2016

Birjada arzon, biroq buning bozorga dahli yo‘q

Havo isishi bilan siqilgan gazning birjadagi narxi arzonladi, biroq bu narxlarning axoliga dahli yo‘q. So‘nggi oylarda birja bozorida siqilgan gazning o‘rtacha bahosi 26 foiz tushdi. Bir tonna siqilgan gazning bahosi 1,6 million so‘mni tashkil etdi.

Bu haqda xabar bergan «Pravda vostoka» gazetasining yozishicha, yil boshida siqilgan gaz narxi 2-2,2 million so‘m bo‘lgan. Bunga sabab yanvar va fevral oylarida birja savdosiga chiqarilgan siqilgan gaz hajmi kam bo‘lganidir.

O‘zbekistonda siqilgan gazning asosiy ishlab chiqaruvchisi bo‘lgan Muborak gazni qayta ishlash zavodining umumiy savdo hajmidagi ulushi o‘tgan yilning shu davriga nisbatan 33 foizdan 28,5 foizga tushgan. Yana ikki ishlab chiqaruvchi esa savdoga chiqarilgan mahsulot hajmini 5 foiz oshirgan.

Ko‘rinib turibdiki, O‘zbekistonda siqilgan gaz narxi sezilarli tushgan. Ammo asosiy iste'molchilardan bo‘lgan oddiy aholi buni his qilmayapti. Chunki ular uchun narxlar tushgani yo‘q. Bu esa O‘zbekitonda bozor iqtisodiyoti tizimi ishlamayotganidan darak beradi.

Xuddi shu holatni shakar misolida ham ko‘rish mumkin. Ayni paytda O‘zbekistonda bankalarga kompot va murabbo yopish mavsumi boshlandi.

«Pravda vostoka»ning bildirishicha, Davlat monopoliya qo‘mitasi mavsumda shakar yetishmovchiligining oldini olishga doir chora-tadbirlar ko‘rmoqda. Xususan, mamlakatdagi asosiy ishlab chiqaruvchilar – «Xorazm shakar» va «Angren shakar» korxonalari mahsulot hajmini oshiryapti.

Yanvardan aprel oyigacha bu korxonalar mahsulot ishlab chiqarish hajmini o‘tgan yilning shu davriga nisbatan 118,6 foizga oshirgan.

Shunga qaramay, bu chora-tadbirlar ish bermayotgan ko‘rinadi. Chunki yaqindagina bozorlarda Angren shakari 2800 so‘mdan, Xorazm shakari 3200 so‘mdan sotilayotgandi. Monopoliya qo‘mitasining «chora-tadbirlari» natijasi bo‘lsa kerak, bugungi kunda Angren shakarining ulgurji bozordagi narxi 3200 so‘mga, Xorazm shakariniki esa 3500 so‘mga chiqdi. Chakana savdoda narxlar bundan ham ko‘proqqa qimmatladi.

Balki monopoliya qo‘mitasi «chora-tadbir» ko‘rmaganida bozorda shakar narxi ko‘tarilmasmidi, degan istiholaga boradi kishi.

Eltuz.com

Tag‘in o‘qing
19 aprel 2023
Hammasi 2022 yil yanvarida Camarqandning Pastdarg‘omida 33 yoshli kam ta'minlangan erkak 31 yoshli ayol uyiga dori olib borgan kundan ...
25 yanvar 2017
Farg‘ona viloyatining tuman IIB idoralaridan birida ishlovchi Eltuz manbasiga ko‘ra, ba'zida guruh bo‘lib, ba'zida yakka tartibda uylarga kirayotgan o‘g‘ri ...
21 iyul 2016
Avval ham aytganmiz, «Qishloq hayoti» ajoyib gazeta. Qishloq odamlariga, dehqonlarga ekinni qachon ekish, go‘ngni qachon qaerga ishlatish borasidagi qiymati ...
30 oktyabr 2015
Bugun Lo‘s Anjalusdagi qasrimning minglab xonalaridan birida adashib qolib eshikmikan deb ishkopni ochibman. Qarasam shaqqildoq turibdi. Oldindan aytay bugungacha ...
Bloglar
8 fevral 2025
Shu paytgacha «Anora» degan ikki film olindi. Bittasi yetim qizning ashlachi bo‘gani haqida¸ yana bittasi ...
23 yanvar 2025
O‘zbekiston mudofaa vaziri Xolmuxammedov bosqinchi gazanda Rossiya bilan 2026-2030 yillarda harbiy sohada strategik hamkorlik dasturi ...
20 yanvar 2025
O‘zbekiston prezidenti uyida yirtqich hayvon¸ ilon va xasharotlarni boqadiganlar jazolanishi haqidagi qarorni 16 yanvar kuni ...