Kundalik
24 may 2016

So‘nggi qo‘ng‘iroq va hamma paxta chopig‘iga

O‘quv mashg‘ulotlaridan endigina qutilgan, biroq chopiq degan dahmazaga tutilgan farg‘onalik muallimalarni, tag‘in yaqindagina Universiada sport tadbirlari o‘tgan maydonlarni tozalashga ham safarbar etishmoqda.

Viloyatdagi turli tadbirlar oldidan ko‘cha tozalash, paxta terimi yoki g‘o‘za chopig‘iga chiqariladiganlar o‘qituvchiyu do‘xtirlar bo‘lib qoldi.

Biroq shunda ham ularning tilidan askiya tushmaydi. Sekin suhbatni diktofonimga yozaman.

«Kecha jahlimni chiqargandi, kelinimni ota uyiga tashlab keldim. Endi uyidagilar olib kelsa, men ulardan kafolat xati, tilxat, «barcha ishlarni bajaraman, shu uyda yashasam bo‘ldi» degan ariza olaman-da, uni olib kelgan xola-ammasining rasmi bilan birga bitta yig‘ma jild qilib qo‘yaman, – deya rosa kuldiradi hammani o‘qituvchi opa.

Bu gapni jiddiy qabul qilgan boshqa bir suhbatdoshimiz “Voy, opa unaqa qilmang, keyin biz hech kimni kelin qila olmay qolamiz, o‘qituvchiga beradigan qizim yo‘q, deb turvolmasin odamlar», – deya kulishimizga yana sabab topib berdi.

Chekka tumanlardagi maktablardan birining direktori bilan gaplashayotgandim, uning qo‘l telefoni jiringlab qoldi. Direktor opa telefonni olib “Nima, Namangan chegarasiga 10 ta odam, tozalovgami” deya savollar berib, qo‘ng‘iroq qilayotgan kishidan savollariga javob oldi shekilli “xo‘p” deya tugmachani bosdi.

«Bizlarga qiyin, – deydi direktor opa, – bu yoqda ta'lim-tarbiya ishlari, bir yoqda jamoatchilik topshiriqlari… Chopiqniku bir amallab eplayotgandik, endi manavi tozalov chiqibdi».

Ismi oshkor etilishini istamagan suhbatdoshlarimdan biri vaziyatdan chiqish uchun o‘rniga 15-20 ming so‘mdan berib mardikor yollashga majbur bo‘layotganini aytadi.

«Raxbarlar jamoat ishini ham bajarasan, darsingni ham o‘tasan. Bo‘lmasa arizangni yoz. Ish qidirganlar to‘lib yotibdi” deya shart qo‘ymoqda”, – deydi u.

Biroq mardikor yollashga ortiqcha pul hammada ham topilavermaydi.

“Baloga qolgan o‘qituvchiyu do‘xtirlar. Biz bolalarga dars beraylikmi yoki chopiqqa chiqaylikmi?» deydi endi askiyasini yig‘ishtirib qo‘yib, yuzlarini vodiyning jazirama oftobidan to‘sib, ketmon olib, g‘o‘za dalasiga otlangan boshqa bir muallima.

Nasima Davron qizi
Eltuz.com

Tag‘in o‘qing
9 oktyabr 2020
3 oktyabr kuni Samarqand viloyatining Pastdarg‘om tumani Namozgoh mahallasida istiqomat qiluvchi 41 yoshli eri Ikrom Qayumovdan kaltak yegan 32 yoshli Nigora ...
11 aprel 2020
«From Me to You» (Mendan senga) — Lennon va Makkartni dueti ijro qilgan zarif bir qo‘shiqdir. Aytilishicha, bu qo‘shiq ...
2 sentyabr 2016
Prezident o‘limidan bir hafta o‘tib ham uning tirikligi, sog‘lig‘iga duoda bo‘lishga chaqiriqlar tingani yo‘q. Ayni ayuxannoslar fonida Islom Karimovning ...
8 sentyabr 2015
O‘zbekiston hukumati, XMT, Umumjaxon banki, Xalqaro Kasaba uyushmalari konfederatsiyasi, Xalqaro ish beruvchilar tashkiloti, BMT, Yunisef, Yevropa Ittifoqi shuningdek, AQSh, ...
Bloglar
15 oktyabr 2020
O‘nta roman yozay, ellikta she'riy to‘plamim nashr etilsin, yozganlarim dunyoning barcha yirik tillariga tarjima qilinsin, ...
24 sentyabr 2020
So‘nggi paytlarda mendan endi migrantlarning taqdiri qanday bo‘lishi haqida tez-tez so‘rashmoqda. Ayrimlar Rossiyadan qaytayotgan ishsiz ...
23 sentyabr 2020
Shuhrat Qayumov men tanigan, men muloqotda bo‘lgan san'atkorlarning eng yaxshisi, madaniyatlisi edi. U kishi bilan ...