Kundalik
24 iyun 2016

Istanbulda o‘zbek fuqarosining 1 million 900 ming dollarini qaroqchi urdi

Istanbul politsiyasiga ko‘ra, 23 iyun kuni tushlik paytida Istanbulning Yenibosna mavzeida O‘zbekistonlik tadbirkor (balki mulozim) O.Ye. yo‘lto‘sar qaroqchilar hujumiga uchragani borasida shikoyat qayd qilingan.

rasm1591
O‘zbekiston havo yo‘llari shirkatida noqonuniy pul transferi mavjudmi?

Aytilishicha O‘zbekiston fuqarosi O. Ye. Toshkent-Istanbul uchog‘i vositasida O‘zbekistondan keltirilgan bir million to‘qqiz yuz ming naqd dollarni Otaturk aeroportidan olib o‘z mashinasida shahar tomonga yurgan.

Avtomobil Yenibosna (Yenibosna) mavzeiga yaqinlashganda qurollangan uch yo‘lto‘sar tarafidan kurshovga olinib to‘xtatilgan.

Oldin ta'qib so‘ngra talon

Talonchilar O‘zbekiston fuqarosini peshonasiga to‘pponcha tirab pul solingan sumkani tortib olib qochib ketishgan.

O‘g‘irlik atrofdagi xavfsizlik kameralari nigohiga tushdi. Videotasvirlarni taxlil qilgan turk politsiyasi talonchilar o‘zbek puldorini aeroportdan boshlab ta'qib qilgani va qulay payt kelgani hamon talonchilikka o‘tganini bildirdi.

Voqea yuzasidan surishtiruv boshlangan.

rasm1593
Istanbul-Toshkent reysi atrofida shubhali atmosfera hukm suradi

Eltuz.com muxbiri ikki million dollarga yaqin naqd pulning qanday qilib Toshkent aeroporti bojxona nazoratidan o‘tgani bilan qiziqib O‘zbekiston havo yo‘llari shirkatining Istanbul Ota-turk aeroportidagi vakiliga savol berdi.

Vakil javob bera olmasligini bildirish bilan kifoyalandi.

O‘zbekistondagi qoidalarga ko‘ra, fuqaro o‘z yonida faqat ikki ming dollargacha bo‘lgan miqdordagi naqd valyutani olib chiqa oladi.

Istanbulda “o‘zbek puldorining talanishi” voqeasi O‘zbekiston bojxona va MXX chegara qo‘shinlari hamda O‘zbekiston havo yo‘llari shirkatida “naqd dollarni transfer” qilish bo‘yicha noqonuniy koridor mavjud degan ehtimolga dalil bo‘la oladi.

Ayni voqea “chinozlik Ahmadboyning millionlari qaerga ketdi?” degan savolga ham ip uchi bo‘lishi mumkin.

So‘z navbati O‘zbekiston prokuraturasiga.

Eltuz.com

Tag‘in o‘qing
21 iyun 2020
(bo‘lgan voqea) Tarjimon sifatida Rossiyaning militsiya bo‘limlaridan biriga chaqirishgan edi. Bo‘limda jinoyatchi sifatida gumon qilingan shaxslar vaqtincha ushlab turilardi. ...
9 iyun 2020
“Uzauto Motors”ning Asakadagi zavodida avtobuslar garajida navbatchi mexanik bo‘lib ishlagan, ikki o‘g‘ilning otasi, 53 yoshli Ahrorbek Sayfiddinov ko‘richakning zo‘rayishi ...
2 oktyabr 2016
Bugun 62 yoshini qarshilayotgan Muhammad Bekjonni men o‘z qadrdon akamday bilardim, «Erk» gazetasi sahifalarini tayyorlash jarayonlarida u bilan dastlabki ...
11 avgust 2020
O‘zbekiston Senatining 7 avgust kuni ochilgan oltinchi yalpi majlisida parlament yuqori palatasi raisi Tanzila Norboeva mamlakatda korruptsiya avj olganini ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...