Kundalik
24 iyun 2016

Teatr ko‘chasida ro‘y bergan “o‘zbek fojeasi”

21 iyun kuni o‘shlik Rustamjon Turg‘unov ismli 33 yashar o‘zbek o‘zi bilan birga Fotixdagi arzon mehmonxona (Malabadi Beyazit Hotel)da yashagan to‘shakdoshi 44 yashar o‘zbekistonlik Gulchehra Mahamadjonovaning tomog‘iga pichoq tortti.

Dod-voy boshlanib mehmonxonaga politsiya kirib kelganida Rustamjon ayni pichoq bilan bilak tomirlarini kesib tashladi.

Istanbul politsiyasi tarqatgan habarga ko‘ra voqea joyiga zudlik bilan yetib kelgan tez yordam mashinasi, qoniga belangan ikki o‘zbekni kasalxonaga yetkazgan.

Yarador juftlikning ahvoli og‘ir ekani ham aytilmoqda.

Eltuz.com muxbiri voqea sodir bo‘lgan mehmonxona hodimi bilan gaplashdi. Hodimning aytishicha hodisa soat kunduzgi uchlarda sodir bo‘lgan:

«Bularni oteldan chiqadigan vaqti kelgan edi. O‘zi soat 12 da hisob-kitob qilib ketishlari kerak edi. Chiqavermagach, xabar olay deb eshikni qoqdim. Eshik ochiq ekan ichkari kirdim. Qarasam hamma yoq qon. O‘rtada o‘zbek xotin qora-qonga belanib yotibdi. Darxol politsiya chaqirdim, juda ko‘p politsiya keldi. Uchta mashinada kelishdi», – deydi suhbatdosh.

Istanbulning Teatr ko‘chasidagi mehmonxonasida sodir bo‘lgan voqea yuzasidan Fotih mavzesi politsiyasi surishtiruv olib bormoqda.

Rossiya, Qozog‘iston va Janubiy Koreya kabi mamlakatlarni to‘ldirgan o‘zbekistonlik mehnat muhojirlari bugungi kunda tirikchilik ilinjida Turkiya shaharlarini ham “ishg‘ol” qilmoqda.

Rossiya matbuotida yoritilaverib siyqasi chiqqan “jinoyatchi o‘zbek” mavzusi shu kunlarda turk matbuotiga ko‘chmoqda.

Eltuz.com

Tag‘in o‘qing
30 avgust 2018
Sentyabr kelib, Mustaqillik sharafiga karnay-surnay, maktablarda birinchi qo‘ng‘iroq, o‘qish boshlanishi ketidan mamlakatda paxta terimi boshlanadi. Nafaqat fermerlar, balki o‘quvchi, ...
9 sentyabr 2020
Andijon viloyatining Izboskan tumani hokimi Serobiddin Ismoilov tuman selektorida uy so‘rab joniga tekkan bir muallima ayolni jinni deb haqorat ...
29 may 2017
Ikki yildan beri Istanbulda yashab kelgan O‘zbekiston vatandoshi Shahnoza. K o‘zi bilan bir uyda istiqomat qiladigan ukasi 24 yashar ...
7 iyun 2016
O‘zbekiston Musulmonlari idorasi rasmiylari, Ozodlik radiosi tasdig‘iga ko‘ra, bugungi kunda iftor berish bid'at ekanini aytishmoqda. O‘zbekistonda ko‘p yillardan beri ...
Bloglar
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...
25 oktyabr 2022
Ulug‘ o‘zbek shoiri va muholifat lideri Muhammad Solih bilan suhbatning 10-qismida muxbir undan o‘z ota-bobolari ...