Kundalik
28 iyun 2016

Istanbuldagi bombali hujumda ikki o‘zbek o‘ldi

Toshkentlik Muxiddinov Samad Murodovich va Namangan shahridan 22 yashar Abrorjon Ustaboev Ayubxon o‘g‘li Istanbuldagi Otaturk xalqaro aeroportida yuz bergan hujumda nobud bo‘lgan.

rasm1612
Abror Ustaboevning Odnoklassniki tarmog‘iga qo‘ygan surati

Abrorjon Ustaboevning pasporti rasmini e'lon qilgan haberturk agentligining yozishicha, 22 yoshli O‘zbekiston fuqarosi Ustaboev aeroportga kelib, taksidan tushgan paytda portlash sodir bo‘lgan va u o‘sha joyda jon bergan.

Toshkentlik Samad Muhiddinovning portlash paytida aeroport ichkarisida bo‘lgani aytildi.

Konsulxonada sansolarlik bois jasadlar payshanba kuni ham Istanbul morgidan olib ketilmagan.

Portlash va otishmada yarador bo‘lgan o‘zbeklar soni 4 nafar ekani bildirilgandi.

Istanbul hujumida yaralangan o‘zbekistonlik 4 kishidan birining ismi-sharifi Rifat Salimov ekani haqida Qirg‘iziston Tashqi ishlar vazirligi ma'lumot tarqatdi.

Terrorchilar avtomatdan o‘t ochgan paytda oyog‘iga o‘q tekkan Ravshan ismli yigitning Istanbul kasalxonalaridan birida davolanayotgani haqida eltuz.com muxbiriga uning yaqin do‘stlaridan biri ma'lum qildi.

Istanbulda istiqomat qilayotgan O‘zbekistonlik yozuvchi Nurilla Otaxonov o‘z mikroblogida kasalxonada qolayotgan o‘zbek yaradorlarini ziyorat qilganligini yozdi.

Istanbuldagi Otaturk aeroportida yuz bergan terakt oqibatida halok bo‘lgan 36 kishidan 28 nafarining shaxsi aniqlashtirilgan.

So‘nggi ma'lumotlarga ko‘ra, terakt oqibatida 36 kishi halok bo‘lgan, 147 kishi jarohatlangan.

Eltuz.com

Tag‘in o‘qing
14 aprel 2016
«Huquq» gazetasi ana shunday qo‘shmachilardan ikkitasi qo‘lga olinib, odam savdosida aylanib, qonuniy jazoga tortilganini ma'lum qildi. Yozilishicha, Buxoro shahrilik ...
16 may 2017
Ishsizlik – O‘zbekistondagi eng og‘ir muammolardan biri. Ko‘p yillar davomida millionlab o‘zbekistonliklar tirikchilik yo‘lida aksariyat Rossiyaga ketishdi. O‘zbekiston Rossiya ...
15 may 2018
Mirziyoevning AQShga safari arafasida qamoqdan ozod etilgan o‘zbek faoli Fahriddin Tillaev, xalqaro tashkilot vakillari bilan uchrashuvda erkinliklar va muxolifatga ...
23 oktyabr 2018
O‘zbekistonda xorijning nufuzli universitetlari filiallari ochilishi ko‘pchilikni quvontiradi. Har holda bu filiallarda ta'lim sifati, bilim berish darajasi mahalliy oliy ...
Bloglar
15 avgust 2022
Taniqli siyosat arbobi va shoir Muxammad Solih suhbatining davomida sevimli ayoli Oydin xonim bilan kechirgan ...
10 avgust 2022
Taniqli siyosat arbobi va shoir Muxammad Solix bilan may oyida o‘tkazilgan bu suhbat bevosita Eltuz ...
20 iyul 2022
O‘zbek xalqi kimga, qaysi rejimga qaram bo‘lib kelgan ediki, endi u o‘zini ozod, erkin millat ...