Dayjest
5 iyul 2016

Tili qirqilgan matbuot maqtovi

So‘nggi vaqtlarda prezidentning har bir chiqishiga labbay deb «otklik» yozish mahorati borasida boshqalarga dars berayotgan «Adolat» gazetasi bosh muharriri bu gal davlat rahbarining Matbuot va ommaviy axborot vositalari kuni munosabati bilan soha vakillariga yo‘llagan tabrigidan juda qattiq ilhomlangan ko‘rinadi, shekilli, qalamini o‘tkirlab, yana ijod maydonida javlon urdi.

Muallif axborot erkinliklari va kafolatlari to‘g‘risidagi qonunni eslab, u «odamlarning o‘zlari istagan axborotni hech bir moneliksiz olish, ayni chog‘da axborotni muhofaza qilish, shaxs, jamiyat va davlatning axborot borasidagi xavfsizligini ta'minlash imkonini bergani»ni ta'kidlaydi.

«Natijada matbuotimiz sahifalarida sobiq tuzum davrida umuman qo‘l urilmagan, hech kim jur'at etmagan, rasman taqiqlab qo‘yilgan ko‘plab mavzular, chunonchi, tanqidiy mushohadalar, qiyosiy tahlillar, ijtimoiy-siyosiy sharhlar paydo bo‘ldi», deya o‘trikni davom ettiradi muallif.

Bugungi matbuotimiz sovet davridagidan bir qarich ham o‘smagani, sho‘ro matbuotining soyasi kabi bo‘lib qolgani, ruxsat etilganidan boshqa hech qanday tanqidga yo‘l qo‘yilmasligi, xalq dardini aytishga tili yo‘qligini nahotki hech kim bilmaydi, deb o‘ylaydi bu satrlarni yozgan odam!?

Bu ham yetmaganidek: «Mamlakatimiz ijtimoiy-siyosiy hayotida ko‘ppartiyaviylik shakllanishi bilan esa siyosiy partiyalarning nashrlarida sog‘lom bahs-munozaralar yuzaga keldiki, bu holat milliy jurnalistikamizning nufuzini ancha ko‘tardi, desak mubolag‘a bo‘lmaydi», deya lof uradi.

«Nufuzi ko‘tarilgan» milliy jurnalistikamizning qanchalik darajaga tushib qolganini o‘tgan galgi ikki dayjestimizda Shanxay hamkorlik tashkiloti sammitining yoritilishi misolida ko‘rsatib o‘tgandik.

Bu misolimizning yana bir tasdig‘i milliy nashrlar prezidentning o‘sha sammitdagi brifingi matnini mashvaratdan deyarli bir hafta o‘tib e'lon qilganida ham ko‘rindi. Bu-ku mayli, sammitdan ham oldin bo‘lib o‘tgan voqea – XXR raisi va O‘zbekiston prezidentining Oliy Majlisda so‘zlagan ma'ruzalari ham bundan ko‘proq vaqt o‘tib matbuot yuzini ko‘rganiga nima deysiz?

Siyosiy partiyalarning «sog‘lom bahs-munozaralari»ga kelsak, aytish mumkinki, ular sevishgan juftliklarning bir-biridan go‘yoki arazlashgandek, «siz qo‘rqoqsiz, siz qochqoqsiz» kabi yuzlariga muhabbat ila sekingina shappatilab qo‘yishi sahnasini eslatadi.

Maqolada muallif biz yuqorida aytgan «yutuqlar»ni yanada ko‘paytirishga bel bog‘laganini yashirmaydi.

«Buning uchun yanada samarali, ta'sirchan ishlashga, xalqimiz hayotini yanada farovon va obod qilish, dunyodagi eng rivojlangan, demokratik davlatlar qatoriga kirish… ishiga munosib hissa qo‘shishimiz zarur», deyiladi maqolada.

Eltuz.com

Tag‘in o‘qing
28 oktyabr 2019
O‘zbekiston harbiylari ilk bor bor havo hujumidan mudofaaga mo‘ljallangan FD-2000 raketalarining amaliy sinovlarini o‘tkazmoqda.  Mazkur sinovlar Qashqadaryo viloyatida joylashgan ...
4 oktyabr 2017
Sovet davrida «Paxtakor polvonlarim» deganga monand bir mashhur qo‘shiq bo‘lardi. Paxta terimi boshlandi deguncha radio ham, televizor ham vadavang ...
12 avgust 2018
Ijtimoiy tarmoqlarda avtomobillarga yoqilg‘i quyish shoxobchalaridagi kilometrlarga cho‘zilgan rekord navbatlarning tasvirlari paydo bo‘ldi. Tag‘in, avtoulovi yo‘qlarning kuni tug‘di, ular ...
29 yanvar 2019
Vatanidagi yangi hukumatning «ochiq eshiklar» tashviqotiga maftun bo‘lib, tezroq mamlakatini ziyorat qilishga shoshilayotgan ekspatlar (muhojirlar – eltuz) buning oqibatini ...
Bloglar
23 noyabr 2021
Yangi milliy kutubxona qurilishi (yangi milliy teatr qurilishi ham) yangi va yap-yangi O‘zbekistondagi eng keraksiz ...
21 noyabr 2021
Siyosatchi bo‘lish¸ siyosatga kirish bugungi O‘zbekistonda boshni kundaga qo‘yish bilan barobar. Bu haqda Jahongirga yozuvdim ...
11 noyabr 2021
Xalqaro jurnalist «Agneshkaxon voqeasi» ko‘p savollarga javoblarni ochib berdi. Kelinglar, jonajon akkreditatsiyadan boshlaymiz. Aynan ularni ...