Dayjest
14 iyul 2016

Deputatlar saylovchilar ko‘ngliga taskin berib qaytdi

«Milliy tiklanish» demokratik partiyasidan parlamentga saylangan deputatlar o‘n kuncha o‘z saylov okruglarida bo‘lib, saylovchilari bilan uchrashgan.

Bu uchrashuvlarda ular nima qilgani bilasizmi? Bilmasangiz, «Milliy tiklanish» gazetasini o‘qing, hammasini ochiq-oshkora yozgan.
Xususan, O‘zMTDK fraktsiyasi a'zosi Feruza Ibragimova Kogon saylov okrugida bo‘lib, saylovchilari bilan uchrashuvda prezidentning mustaqillik bayramining 25 yilligini o‘tkazish to‘g‘risidagi qarori «mazmun-mohiyati va qaror ijrosi haqida atroflicha fikr yuritgan».

Mustaqillik bayramini saylovchi o‘z imkoniyati darajasida qanday xohlasa, shunday o‘tkazaveradi. Ammo bayramni qanday o‘tkazishni Toshkentday joydan kelgan deputat ko‘rsatishi shartmikin?

«Bayramshunos» deputatning hamkasbi Akmaljon Jumaboev esa Andijondagi uchrashuvda «saylovchilarni qiziqtirgan masalalarga alohida e'tibor beribdi».

Ya'ni bayram haqida falsafa so‘qmay, «elektr energiyasiga bo‘lgan ehtiyoj bilan bog‘liq masalalar Namangan viloyatida barpo etilayotgan To‘raqo‘rg‘on issiqlik elektr stantsiyasi to‘liq ishga tushgach, yechimini topishi»ni ma'lum qilib, hech bo‘lmaganda xalqning ko‘ngliga taskin berib kelibdi.
Yana bir «milliy tiklagich» deputat Azamat Pardaev Samarqandning Paxtachi tumanidagi uchrashuvdan o‘z foydasiga xulosa chiqaribdi.

Uning aytishicha, «saylovchilar bugun o‘z vakiliga katta ishonch va umid bilan qarayapti».

Buni o‘zini o‘zi ishontirish deydilar. Deputat o‘zini shunday deb ishontirmasa, saylovchilar unga ishonishiga birov ishonarmidi?

Eltuz.com

Tag‘in o‘qing
25 iyul 2016
Bolaligimda dadam ro‘zg‘or ishlarini yengillatuvchi, dehqonchilik va bog‘dorchilikda asqotuvchi buyumlarni ko‘tarib keladigan kishi edi. Har safar uyda janjal dadam ...
13 dekabr 2015
2015 yilning 13 dekabrida, Jasliq turmasi mahkumi, huquq himoyachisi A'zam Farmonov 37 yoshga to‘ladi. 2006 yilning aprelida uni hibsga ...
6 mart 2018
Chorak asrdan buyon paxtachilik va sanoatning u bilan bog‘liq tarmoqlari rivojlanmaydi. Chunki paxtaning asosiy qismi kimlarningdir orqasiga qo‘yishga ishlatilib ...
11 aprel 2023
«From Me to You» (Mendan senga) — Lennon va Makkartni dueti ijro qilgan zarif bir qo‘shiqdir. Aytilishicha, bu qo‘shiq ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...