Asosiy mavzular
20 iyul 2016

Ko‘sak qurti terimidan so‘ng “chekanka”…

Odatdagidek, bu ishga, ya'ni g‘o‘za nihollarini chekanka qilish ishlariga ham byudjet tashkilotlari xodimlari – bog‘cha opalar, o‘qituvchilar, shifokor va hamshiralar jalb etilmoqda. Ular bundan ilgari eltuz.com xabar berganidek o‘n kun davomida ko‘sak qurti terish bilan shug‘ullanishgan edi.

Chekanka ham ko‘sak qurti terimi kabi og‘ir va pedagogika yoki tibbiyot sohasidan mutlaqo yiroq, o‘qituvchi va shifokorlarga qo‘shimcha daromad keltirmaydigan majburiy mehnat turi hisoblanadi.

“Tumanimizning Markaziy Farg‘ona cho‘llarida yerlari bor, o‘qituvchilar o‘sha yerda 10 kun yotoq sharoitida ko‘sak qurtini terishdi”,- deydi eltuz.com muxbiriga yaqin manba.

“Navbatdagi guruh yana 10 kunlik yotoqqa jo‘natildi” – deydi suhbatdosh. Guruhdagi chekankachilarning barchasi ham oliy ma'lumotli o‘qituvchilar emas, ularning orasida maktabda farrosh, qorovul, bog‘bon, laborant bo‘lib ishlaydigan xodimlar ham bor.

Uchko‘prik, Bag‘dod, Buvayda tumanlari Xalq ta'limi bo‘limi mudirlari bilan telefon orqali bog‘langan Eltuz.com muxbiri, aynan o‘qituvchilarning ko‘sak qurti terish va chekankaga jalb qilish masalalari bilan qiziqdi.

Ammo ulardan ijobiy javob ololmadi. Ular tuman hokimlarining “iltimosini” bajarayotganliklari, o‘qituvchilar bugungi kunda mehnat ta'tilida ekanliklari, ular hech qaerga jo‘natilmaganligi haqida yolg‘on axborotlarni taqdim etishdi.

Aslida, birgina Uchko‘prik tumanidagi 18-umumta'lim maktabi o‘qituvchilari mehnat ta'tilidan majburiy ravishda chaqirib olinganliklari va ko‘sak qurtidan keyin chekankaga deya yana dalaga jo‘natilayotganliklari uchun norozilik bildirishgani ma'lum.

Buvayda tumanidagi maktab o‘qituvchilari esa tumanning Qozoqovul degan cho‘l hududida chekankani boshlab yuborishgan, oldinda ularni paxta terimi kutayapti.

Nasima Davron qizi
Eltuz.com

Tag‘in o‘qing
28 may 2016
“Xalq so‘zi” gazetasining yozishicha, Toshkent viloyati bo‘yicha 1158 nafar mahalla fuqarolar yig‘ini raisi va ularning 11 mingdan ziyod maslahatchilarini ...
6 mart 2018
“Bosh vazirdan tortib, hokimlargacha to‘y marosimlariga borishi man etiladi”, dedi Shavkat Mirziyoev 2 mart kuni ijtimoiy tarmoqda paydo bo‘lgan ...
21 avgust 2018
Hukumatning ko‘ngilochar maskanlarga reydlari ortidan o‘zbek matbuotida “tungi klublar”larni yomonotliq qilish avj oldi. Ayni tendentsiyadagi ko‘rsatuvlarni “Yoshlar” telekanali uzatdi. ...
31 yanvar 2017
“XXI asr” gazetasi (26.01) O‘zbekiston liberal demokratik partiyasi siyosiy kengashi ijroqo‘mi va parlamentdagi fraktsiyasining kengaytirilgan qo‘shma yig‘ilishi haqida maqola ...
Bloglar
25 may 2020
“Bi-Bi-Si” radiosi o‘zbek xizmati jurnalisti Muhammad Solihga: “Koronavirus pandemiyasi payti shunday chiqish qilishingiz o‘rinlimi? Buning ...
18 may 2020
1914 yilning 18 mayi deya tarix yozilgan bu surat markazida turgan Abdullabekning evarasi, shu kunlarda ...
16 may 2020
O‘zbekistondagi, Qozog‘istondagi, Boltiqbo‘yidagi rus tilli ziyolilar va fuqarolar qanchalar aqlli, asosli argument keltirmasin, qanchalik do‘stona ...