Kundalik
20 iyul 2016

Sitora, Sarvar va Komillar litsenziyadan mahrum qilindi

19 iyul kuni «O‘zbeknavo» estrada birlashmasi Matbuot xizmati taniqli xonandalar Sitora Farmonova, Sarvar Azimov va Komil Fozilovlarning litsenziyasi tugatilganini bildirdi.

Matbuot xabarida «Litsenziya bitimida nazarda tutilgan talab va shartlar muntazam ravishda buzilganligi sababli, ushbu xonandalar nomiga berilgan litsenziyalarning amal qilish muddati “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 23-moddasi hamda O‘zbekiston Respublikasi Vazirlar Mahkamasining 2015 yil 9 dekabrdagi 354-son Qaroriga asosan 2016 yil 19 iyuldan tugatilganligi» bildiriladi.

“O‘zbeknavo” estrada birlashmasi san'atkorlar faoliyatini bir qolipga solishga urinib keladi.

Bundan ilgari O‘zbekistonda xizmat ko‘rsatgan artist Dilfuza Rahimova, «Nihol” mukofoti sovrindori Otabek Mutalxo‘jaev, xonanda Dilshod Rahmonov, «Ummon” va «Mango” guruhlari xonandalari, Tamilla litsenziyadan mahrum qilingandi.

O‘zbekistonda xizmat ko‘rsatgan artistlar Izzatilla Ibragimov, Sobirjon Mo‘minov, Alisher Turdiev, Ravshan Komilov, Toir Qo‘ziev, «Nihol” mukofoti sovrindori Hulkar Abdullaeva va xonanda Farhod Saidovlar esa qattiq ogohlantirishlar olishgandi.

Ma'lumotlarga ko‘ra, shuningdek bugungacha mazkur tashkilotdan 3 mingdan ortiq xonanda va sozandalar, boshlovchilar litsenziya olishga ulgurgan.
“O‘zbeknavo” odatdagidek, Sitora Farmonova, Sarvar Azimov va Komil Fozilovlarning litsenziyasi nima uchun muddatidan avval tugatilayotgani, ular qaysi talabni buzganiga aniqlik kiritmagan.

Biroq, Internet tarmoqlarida tarqalgan ma'lumotlarga ko‘ra, Sitora Farmonovaning Rossiya telekanali ko‘rsatuvida paydo bo‘lgani, KVNdagi qirg‘iz jamoasi tomonidan “o‘zbekistonlik aktrisa Yevropaga o‘ziga er qidirib kelgani. Uni bunga o‘zbek eri majbur qilgani”, qabilidagi hazillari litsenziyasidan mahrum bo‘lishiga sabab bo‘lgani aytiladi.

Eltuz.com

Tag‘in o‘qing
3 iyul 2017
30 iyun kuni prezident Shavkat Mirziyoev, «Kamolot»ni tugatishga, uning o‘rnida komsomolga o‘xshash (Kommunistik Yoshlar Ittifoqi) kabi tashkilot tuzishga qaror ...
30 dekabr 2019
Zamonaviy o‘zbek romanchiligi va satira janri asoschisi Abdulla Qodiriy NKVD tomonidan «xalq dushmani» deya ayblanib, 1937 yilning 31 dekabrida ...
23 may 2016
Havo isishi bilan siqilgan gazning birjadagi narxi arzonladi, biroq bu narxlarning axoliga dahli yo‘q. So‘nggi oylarda birja bozorida siqilgan ...
19 avgust 2019
Yonidan Muhammad Solih kitoblari chiqqani uchun bosimga uchrayotgan shoir Mahmud Rajab tergovi respublikada o‘tgan hafta kechgan quyidagi voqealar fonida ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...