Ko‘zqarash
19 sentyabr 2016

«Qaydan kelding, Mirziyo! Biz seni kutganmidik?»

Shavkat Mirziyoevning davlat tepasiga kelishi ortidan odamlar xalq og‘zaki ijodi shaklida video, hajviy suratlar bilan birga she'rlar ham yoza boshlashdi.

Botir Yodkash taxallusi ostida Eltuz.com nashriga she'rini jo‘natgan muallif uni «Qarg‘alganlar qo‘shig‘i» deb ataydi. U o‘z she'rida yillar davomida erksizlik girdobida qolayotgan xalq dardu alamini aks ettiradi.

Qarg‘alganlar qo‘shig‘i

Ey Mirziyo, Mirziyo
Sen bo‘lding-u VRIO
Umidlar bo‘ldi ro‘yo…
Qaydan kelding ey Balo!
Biz seni kutganmidik?
Chorak asr qon qusib
o‘pka, jigar, jon qusib
Boshdagi oyboltangni
Yo hech unutganmidik?..

Ey Mirziyo, Mirziyo
Otam deysan, otangning
Merosin g‘orat qilib
Namoz o‘qidingmi sen
Shu kun tahorat qilib?
Otangning go‘rida ham
Turding mahobat qilib,

Ey Mirziyo, Mirziyo
Olloh sinar bu xalqning
Sabrini sen sinama!
Ochiq qo‘l Iskandarning
Qabrini sen sinama!
Jizzaxdagi mushtumzo‘r
Zarbini sen sinama!

Ey Mirziyo, Mirziyo
o‘ylaysanki saylovda
Qaytadan tug‘ilgaysen
Ilohim badduodan
Har kecha bo‘g‘ilgaysen
Mahsharda otang bilan
Bir joyga yig‘ilgaysen

Ey Mirziyo, Mirziyo
Quloq tutganmiding hech
Xalqning faryod, uniga.
Og‘zing ko‘pik, tupurding
Asosiy qonuniga.
Davlatman deysan, ammo
Arzimaysan juniga!..

Ey Mirziyo, Mirziyo
Garchi mastsan qudratdan
Sharbating tatimagay!
Bo‘ying bir qarich, aslo
Savlating tatimagay!
Yetimlardan yulingan
Sarvating tatimagay!
Shuhrating, shavkating ham
Davlating tatimagay!
Ey Mirziyo, Mirziyo,
Ey sen zulmat, kir ziyo!

Botir Yodkash
Eltuz.com

Tag‘in o‘qing
25 mart 2019
Rossiya va Xiva xonligi o‘rtasidagi Gandimiyon shartnomasiga ko‘ra, 1873 yili Xiva xonligida quldorlik bekor qilindi. O‘sha yilning 12 avgustida ...
18 fevral 2016
Dmitriy Tixonov, Eltuz.com Davlat targ‘ibot apparati 2015 yil martdan beri meni G‘arb agenti sifatida ko‘rsatishga tirishib keladi. Mening huquqbonlik ...
26 oktyabr 2020
Ko‘rayotganingiz Afg‘oniston yoki Somalidagi maktab emas. Bu 2020 yilning oktyabr oyida o‘zbek o‘quvchilari ta'lim olayotgan maktab.  Ijtimoiy medianing o‘zbek ...
3 dekabr 2019
Stokgolmning chekka hududida joylashgan temir to‘siq ortidagi ko‘rimsiz uyda Shvetsiyaga kelib qurilishlarda ishlayotgan 11 nafar mehnat migranti yashaydi. Ularning ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...