Asosiy mavzular
14 oktyabr 2016

Demokratiyadan uzoqdagilar O‘zbekistonda uning ekspertlariga aylanishdi

«Xalq so‘zi» gazetasi (12.10) yurtimizda 4 dekabr kuni bo‘lib o‘tadigan prezident saylovini kuzatish uchun Markaziy saylov komissiyasi YeXHT, Shanxay hamkorlik tashkiloti, MDH ijroqo‘mi, Islom hamkorlik tashkiloti, Jahon saylov organlari uyushmasi kabi xalqaro tashkilotlarni taklif etganini yozdi.

Gazetaning bildirishicha, MSK taklifga binoan YeXHT Demokratik institutlar va inson huquqlari bo‘yicha byurosining Ehtiyojlarni baholash missiyasi uch kunlik tashrif bilan O‘zbekistonga kelgan. Missiya milliy qonunchilikni, saylovoldi jarayonining umume'tirof etilgan xalqaro norma va standartlarga muvofiqligini o‘rganishni maqsad qilgan.

E'tiborni tortadigan jihat mazkur missiya tarkibidir. Uning tarkibi byuroning saylov departamenti boshlig‘i belaruslik Aleksandr Shlik va departament maslahatchisi ozarbayjonlik Ulvi Axundludan iborat.

Aytish kerakki, bu har ikki vakil ham o‘z mamlakatlaridagi saylov ochiq, oshkora va demokratik tamoyillar asosida o‘tishi bilan maqtana olmaydi. Shuning uchun ular O‘zbekistondagi saylov bilan bog‘liq jarayonni qanday baholar ekan, degan xavotir keladi ko‘ngilga.

Ozarbayjon va Belarusdagi saylovlar demokratik o‘tishi ularning xohish-irodasiga bog‘liq emasligini e'tirof etgan holda, O‘zbekistonga jo‘natilgan missiya tarkibini ko‘rib, beixtiyor o‘xshatmasa uchratmas, degan o‘zbekona maqol esga tushadi.

«Xalq so‘zi»da e'lon qilingan yana bir maqola mavzusi ham saylov bilan bog‘liq. Unda O‘zLiDeP siyosiy kengashi ijroiya qo‘mitasi yig‘ilishi haqida gap boradi.

Yozilishicha, bu yig‘ilishda O‘zbekiston liberal demokratik partiyasining 8-s'ezdini avval belgilanganidek 14 oktyabrda emas, 19 oktyabrga ko‘chirish haqida qaror qabul qilingan.

Bunga ijroqo‘mning 16 sentyabrdagi yig‘ilishida s'ezdda partiya ustaviga o‘zgartish va qo‘shimchalar kiritish masalasini kiritishga qaror qilingani, ammo hozir bu yuzadan juda ko‘p takliflar kelgani bois ularni tahlil qilishga qo‘shimcha vaqt talab etilishi sabab qilib ko‘rsatilgan.

Partiya ustaviga qanday o‘zgartishlar kiritilishi aniqlashtirilmagani bois, ular O‘zLiDeP vakili bo‘lmish muvaqqat prezident va ayni paytda amaldagi bosh vazirning bo‘lajak saylovdagi ishtiroki bilan bog‘liq bo‘lsa kerak, degan taxminni ilgari surish mumkin.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
16 iyul 2018
Prezident Shavkat Mirziyoevning o‘z o‘tmishdoshi Islom Karimov davrida ishdan urilgan rahbarlarni qayta lavozimlarga tayinlash siyosatiga darz ketdi. Bu siyosatning ...
5 fevral 2020
Xitoyning Uxan shahridan uchgan Uzbekistan Airways aviashirkati uchog‘ida kelgan 84 nafar yo‘lovchi 5 fevral kuni Toshkent aeroportida himoya vositalari ...
19 may 2021
Toshkent shahrida bunyod etilgan “G‘alaba bog‘i” yodgorlik majmuasida harbiy xizmatni o‘tayotgan oddiy askarlar 9 may arafasida bog‘ hududini tozalash ...
27 avgust 2020
“O‘zbekiston” telekanali orqali 2020 yil 26 avgust kuni uzatilgan ijtimoiy-siyosiy ko‘rsatuv ekspertlari yana bir bor yirtiq kiyim bosh kiyishni qoralab chiqishdi. So‘zga chiqqanlardan ...
Bloglar
26 avgust 2022
30 yildirki sargardonlikda, avval Norvegiyada keyin Turkiyada yashayotgan Muhammad Solih yangi kulliyoti – asarlar to‘plami ...
15 avgust 2022
Taniqli siyosat arbobi va shoir Muxammad Solih suhbatining davomida sevimli ayoli Oydin xonim bilan kechirgan ...
10 avgust 2022
Taniqli siyosat arbobi va shoir Muxammad Solix bilan may oyida o‘tkazilgan bu suhbat bevosita Eltuz ...