Dilorom Amirxamzaeva: «MXX podpolkovnigiga xotin bo‘lib baxt topmadim»

Chirchiqlik 41 yoshli Dilorom Amirxamzaeva ismli ayol, eri, MXX podpolkovnigi bo‘lgan To‘raboy Amirxamzaev uni bolalari bilan uyidan haydab chiqargani haqida huquq himoyachilariga arz qildi.

29 noyabr kuni O‘zbekiston Huquq himoyachilari alyansi (O‘XA) tarqatgan xabarga ko‘ra, ikki bolasi bilan yashayotgan bu ayol, keksa MXX zobitiga turmushga chiqib, erining familiyasiga o‘tgan.

Biroq ZAGSdan so‘ng, eri bilan ro‘shnolik ko‘ramagani, uning har kuni aroq ichib, fohishalar bilan bilan yurish, qo‘shnilar ustidan chaquvlar yozishini aytadi.

Ayolga ko‘ra, alkogol va erkaklik potentsiyasini ko‘taradigan xar xil dorivorlar ichaverib, To‘raboy to‘shagiga xojatini chiqarib qo‘yadigan odat chiqargan, uning ichki lozimi va ko‘rpa to‘shaklarini tozalash ham ayolning vazifasi bo‘lgan.

Eri shuningdek, uyga har qanday odamni taklif qilishni taqiqlagan. Nikohigacha bomj kabi uy jixozlarisiz yashagan, Diloromning o‘zi gilam va ayrim uy jihozlariga pul sarflashga majbur bo‘lgan.

Bugungi kunda, O‘XA tarqatgan xabarga ko‘ra, ayol uyidan haydalgan. Uning eri sudga ariza bergan. To‘raboy o‘z xizmat vazifasidan foydalanib uning farzandlari kelajagini ham badnom qilishi mumkinligini aytib dag‘dag‘a qilmoqda.

Ayolning bildirishiga ko‘ra, To‘raboy hamisha yonida dokaga o‘ralgan pichoq olib yuradi. Oldingi xotinini ham, Turkiyada foxishalik qilganlikda ayblab bolalariga qo‘shib haydab yuborganini aytadi.

Eltuz tahririyati voqeani o‘rganish uchun ayolning eri MXX podpolkovnigi To‘raboy Amirxamzaev bilan bog‘lanishga ikki marta urinib ko‘rdi. Biroq, u dastlab Eltuz muxbiri unga o‘zini tanishtirganidan so‘ng, o‘zini eshitmaganga soldi. Ikkinchi bor qo‘ng‘iroq qilganida esa boshqa telefondan qo‘ng‘iroq qilishni so‘rab go‘shakni qo‘yib qo‘ydi.

Eltuz.com