Asosiy mavzular
2 dekabr 2016

Zarafshon: Sovuq hammani shoshirib qo‘ydi

Ayrim viloyat gazetalari ehtiyotkorlik bilan imkon qadar dadillikka qo‘l urayotganga o‘xshaydi. Samarqandda chop etiladigan «Zarafshon» gazetasining internetdagi sahifasida bu fikrimizga javob topgandik bo‘ldik.

Bu gazetada o‘tgan kunlarda O‘zbekistonda hukm surgan sovuq havo Samarqandda issiqlik bilan ta'minlash borasidagi muammolarni yaqqol namoyish etgani haqidagi maqola e'lon qilindi.

Unda yozilishicha, 24 noyabrga o‘tar kechasi Samarqand shahridagi ko‘p qavatli uylarga issiqlik berilgach, quvurlarla ko‘plab nosozliklar borligi ko‘rinib qolgan.

«Eng yomoni, Samarqand shahriga issiqlik berilgan kunning ertasiga biz ana shunday nosozliklarni juda ko‘p uchratdik. Bu esa na uy-joy mulkdorlari shirkatlari va na «Issiqlik manbai» davlat unitar korxonasida mavsum uchun yetarlicha tayyorgarlik ko‘rilganini anglatadi», deyiladi maqolada.

Ma'lum bo‘lishicha, har yili 5 noyabrda «Issiqlik manbai» korxonasi tomonidan sinash uchun quvurlardan issiq suv yuborilgan. Bunda nosozliklarni aniqlab olib, kamchiliklarni bartaraf etish choralari ko‘rilgan. Ammo joriy yilda ana shu ishlar amalga oshirilmay, qattiq sovuq boshlangach, kutilmaganda issiq suv berilib, muammolarni keltirib chiqargan.

Muallif har yili 15 noyabrgacha aholini issiqlik bilan ta'minlash bo‘yicha shahar hokimining farmoyishi chiqqani, lekin bu yil farmoyish hali ham yo‘qligini ta'kidlaydi.

«Issiqlik manbai» davlat unitar korxonasi rahbari Yoqub Qurbonov korxona tomonidan shahardagi 776 ta ko‘p qavatli uyga issiqlik yetkazilishi kerakligi, amalda esa 176 ta ko‘p qavatli uyga issiqlik uzatilayotganini bildirib, korxonaga bog‘liq bo‘lmagan omillar bunga sabab bo‘layotganini bahona qilgan.

Maqolada Samarqandning Farhod shaharchasi hatto «Issiqlik manbai» korxonasi balansidan chiqib ham ketgani, Kimyogarlar shaharchasida esa uylar so‘nggi marta 2007 yilda issiqlik bilan ta'minlangani oshkor etilgan.

Muallif issiqlik bilan ta'minlashda shaharda elektr energiyasi ta'minotida tez-tez sodir bo‘lib turadigan uzilishlar ham sabab bo‘layotgani haqida yozadi.

Umuman, O‘zbekiston shaharlaridagi (Toshkentdan tashqari) ko‘p qavatli uylarni issiqlik bilan ta'minlash masalasi ko‘p yillar davomida yechilmay kelayotgani, shuncha «ulkan muvaffaqiyatlar, keng ko‘lamli islohotlar, farovon hayot, mislsiz iqtisodiy o‘sish»larga qaramay, soha ayanchli ahvolda ekani ko‘pchilikka sir emas.

Garchi «Zarafshon» gazetasi bu muammoning asl siyosiy va iqtisodiy sabablariga to‘xtalmagan bo‘lsa-da, uni ko‘tarib chiqqanining o‘ziyoq agar nashr shu yo‘nalishdagi sa'y-harakatlarini to‘xtatmasa, xalq o‘zi axtarib o‘qiydigan gazetada aylanishiga umid uyg‘otadi.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
10 sentyabr 2017
8 centyabr kuni «O‘zbegim» festivalida Ginnes rekordi uchun tayyorlangan 8 tonnalik osh, o‘zbeklar o‘rtasida tartibsizliklarga sabab bo‘ldi. Rassom Tuz ...
29 mart 2021
Ërqinoy haqidagi hikoyani yozganimdan so‘ng menga AQShda yashaydigan Qo‘yli degan 58 yoshli kishi telegramdan chiqdi. “Og‘o, maning hayotimni kitob ...
30 yanvar 2022
(Rassom Tuz hikoyalari. Davomi, boshi o‘tgan sonlarda) Kim ko‘p go‘sht yeydi? Bo‘riimi yo Xolli? Qarzdan qutulgan Xolli avvalgiday elektrosetda ...
25 aprel 2018
Karimov davrida shahar chekkasiga chiqarib tashlangan Shomahmudovlar haykali yana eski joyiga qaytarilmoqda. Haykallar 9 may kuni «Istiqlol» (sobiq «Xalqlar ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...