Asosiy mavzular
13 dekabr 2016

13 dekabr – mahkum huquq himoyachisi A'zam Farmonov tug‘ilgan kun

2006 yilning aprelida uni hibsga olishgan payti A'zam Farmonov 27 yoshda edi, bugun u 38 yoshga to‘ldi.

Yangi prezidentning saylanishi ko‘plab kutilmagan voqealar bilan birga, yaxshi o‘zgarishlarga umidni ham paydo qilmoqda.

10 yarim yildan ziyod turmada qolayotgan A'zam Farmonov rasman 300 dollarga teng miqdordagi “tovlamachilik” aybi qo‘yilib qamoqaa tashlangan edi.

Hibsga olinishiga qadar u huquq himoyasi bilan faol shug‘ullangan va ko‘plab hamkasblari fikriga ko‘ra, ayni faoliyati uning hibsga olinishiga asosiy sabab bo‘lgan.

Albatta uning va bugun qamoqda qolayotgan boshqa huquq himoyachilari, jurnalistlarning ozod qilinishiga bo‘lgan umidlar qanchalik o‘zini oqlashini vaqt ko‘rsatadi, biroq bunday qarorga bugunoq zudlik bilan kelinishi lozim.

Ozoda Yoqubova shu munosabat bilan mahkumlikda qolayotgan umr yo‘ldoshiga cog‘inch maktubi va she'riy satrlarini yo‘llaydi:

A'zamjon biz sizni sevamiz. Sizning safdoshlaringiz, huquq himoyachilari, xalqaro tashkilotlar tezroq ozod bo‘lishingizni, oilangiz bag‘riga qaytishingiz uchun kecha-yu kunduz kurashmoqdalar.

Albatta kun kelib siz ozod bo‘lasiz deb umid qilib qolamiz. Yana bir bor tug‘ilgan kuningiz bilan tabriklab turmush o‘rtog‘ingiz.

Atirgul gulidan sizga guldasta,
Chin yurak so‘zlarim unga payvasta.
Bir asr yashang-u, yana nim chorak,
Tug‘ilgan kuningiz bo‘lsin muborak!

Bugun sizni yana sog‘indim,
Sog‘inchlarim aylandilar ko‘z yoshga!
Tangrimdan ko‘rmoqlik o‘tindim,
Do‘st tutindim yana sabru-bardoshga!

Ozoda Yoqubova
Eltuz.com

Tag‘in o‘qing
9 avgust 2023
Salom qadrli muxlislar. Eltuz portaliga kelgan so‘nggi beshta maktubni o‘qiymiz. Ular O‘zbekistonning Buxoro, Samarqand, Toshkent va Qashqadaryo viloyatlaridan kelgan. ...
28 dekabr 2020
O‘zbekistonda mahkumlar mehnati sharafiga qo‘yilgan yodgorlikni buzishdi. Taassufki, u faqat bir necha kungina turdi, “oq paltoli” ziyolilar va “ma'naviyatli” ...
28 sentyabr 2017
Andijon shahrida, mahalla faollari gaz ballon berish va'dasi bilan odamlarni paxta terimiga jalb qilishmoqda. «Eltuz» muxbiriga ko‘ra, Andijon shahridagi ...
11 yanvar 2016
Bugun  Prezident rezidentsiyasi oldida piket o‘tkazganlari uchun olib ketilgan namoyishchilarning soat kechki 22.00 da  qo‘yib yuborilgani xabar yetib keldi. ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...