Kundalik
9 yanvar 2017

“Farg‘ona haqiqati” bosh muharriri ishdan olindi

“Farg‘ona haqiqati” bosh muharriri Nabijon Sobirovning ishdan olinishiga sabab, Eltuz manbasiga ko‘ra, horijiy internet nashrlarida Farg‘ona viloyati sha'niga aytilayotgan tanqidlarga gazetada munosib javob berilmaganligi bo‘lgan.

Eltuz bilan suhbatlashgan manbaga ko‘ra, 6 yanvar kuni viloyat hokimi Shuhrat G‘aniev olib borgan yig‘ilishda, avvaliga Nabijon Sobirov sha'niga keskin tanqidiy fikrlar bildirilgan.

Shuhrat G‘aniev jurnalistlarni ishlamayotganlikda, davr bilan hamnafas qadam tashlamayotganlikda ayblab, faqatgina “chet el matbuoti xabarlariga munosib javob qaytarayotgan” Muhammadjon Obidovni maqtagan.

“Farg‘onada bitta jurnalist – Muhammadjon Obidov bor xolos. Shu kishi viloyat sha'nini internetda tarqalayotgan turli bo‘htonlardan himoya qilib turadi”, – dedi hokim o‘z so‘zida.

So‘ngra viloyatning bosh nashri hisoblangan “Farg‘ona haqiqati”ga majburan obuna qilinayotganligi aytib o‘tilgan.

Shu paytgacha bitta hisoblangan “Farg‘ona haqiqati” va “Ferganskaya pravda” nashrlari tahririyati yig‘ilishda ikkiga ajratilib, “Farg‘ona haqiqati”ga Ahmadali Teshaboev, “Ferganskaya pravda”ga Gulbahor Said G‘ani bosh muharrir etib tayinlangan.

Nasima Davron qizi
Eltuz.com

Tag‘in o‘qing
28 yanvar 2019
26 yanvar kuni Yangiobod turbazasi rahbari Ali To‘xtaevga Vazirlar Mahkamasi 2019 yil 23 yanvarda chiqargan 42-qaror asosida Toshkent viloyati ...
16 noyabr 2023
14 noyabr kuni Qonunchilik palatasining navbatdagi yalpi majlisida sog‘liqni saqlash vaziri Amrillo Inoyatov tizimda amalga oshirilayotgan ishlar yuzasidan nuqt ...
9 fevral 2021
Gulnora Karimova “ishlab topgan” pullarini O‘zbekistonda saqlamadi. Ular Frantsiya, Buyuk Britaniya, Latviya, Malta, Lyuksemburg, Belgiya, Germaniya, Ispaniya, Niderlandiya va ...
30 may 2019
Lotin alifbosiga kiritilayotgan o‘zgartirishlar haqida nega jimsiz deb so‘rashyapti. Umuman, oxirgi paytlar til mavzusini to‘xtatib turaman. Tillarga, shu jumladan, ...
Bloglar
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...
30 aprel 2024
1990 yilning 30 aprelida mustaqil O‘zbekiston tarixidagi ilk demokratik partiya – «Erk»ning ta'sis qurultoyi bo‘lib ...