Asosiy mavzular
18 yanvar 2017

Bitiruvchilardan ishga kirish shartnomasi talab qilinmoqda

Shu kunlarda, ko‘plab ota onalar kollejni tamomlayotgan farzandlariga to‘rt tomonlama shartnomani imzolatish uchun ish beruvchilar eshigida sarson bo‘lishmoqda.

Hali o‘qish tugashiga besh oy vaqt bo‘lsa-da, ota-onalarga shartnomalarni ertaroq tayyorlab qo‘yish vazifasi yuklangan.

«Agar kollejga biror tashkilotdan bitiruvchini ishga olaman, degan mazmunda to‘ldirilgan shartnomani olib bormasak, farzandimizga diplom berilmas ekan» – deya tushuntirdi bu vaziyatni Eltuzga ota-onalardan biri.

Suhbatdoshga ko‘ra, ilgari ham bitiruvchilar bilan bunday rasmiytchilik shartnomasi tuzib kelingan, faqat u uchyoqlama imzolangan, «bu yil esa hokimlik ham qo‘shilib to‘rt tomonlama imzolanadigan bo‘lgan.

Shu bois endilikda ish beruvchilardan bunday shartnomani olish ham qiyinlashgan.

«Qaysi tashkilotga bormang “Menda ish o‘rni yo‘q, bu ishga boshim bilan javob beraman” deya ko‘zbo‘yamachilik uchun ham shartnoma imzolashni xohlashmaydi», deydi bu yil qizi kollejni tugatayotgan ota.

Agar qalovini topsangiz…

Eltuz suhbatlashgan ota-onalardan biriga ko‘ra pulni kattaroq qistirish yo‘li bilan muammoni hal qilish mumkin.

«Masalan, maktab direktoriga 100 dollar va undan ko‘proq “pora” sifatida uzatsangiz, ishingiz oson bitadi», deydi u.

Uning so‘zlariga ko‘ra, o‘shanda ham maktab direktori “qizingiz yoki o‘g‘lingiz bitirsa, menga ish so‘rab kelmaysiz-a” deya ming marta rozi rizolik so‘rab olishadi.

Shu tariqa qog‘ozda barcha bitiruvchilar «ishli bo‘lgan» hisoblanadi, ammo ishsizlar soni ortib boraveradi shartnoma keltirmagan talabalarga diplom berilmaydi.

Shaxsan Mirziyoevning topshirig‘iga ko‘ra

To‘rt tomonlama shartnoma g‘alvasi Mirziyoevning yangi ish o‘rinlari tashkil qilish haqidagi topshirig‘i bilan bog‘liqligi iddao qilinmoqda.

Vazirlar Mahkamasining 14 yanvar kuni o‘tgan kengaytirilgan yig‘ilishida Shavkat Mirziyoev, O‘zbekistonda yangi ish o‘rinlari tashkil qilish topshirig‘ini bajargan hokimlarni pul bilan rag‘batlantirish, bajarmaganlar oyligidan esa 15 % ushlab qolish kerakligini bildirgan edi.

Shu ma'noda Farg‘ona viloyati mutasaddilari ishsizlik muammosini qog‘ozda tezroq hal qilishni istashayotgan ko‘rinadi.

To‘rt tomonlama imzolanadigan bu shartnoma, ayni paytda bitiruvchini ish bilan ta'minlashdan ko‘ra uning kollej direktori oldida, direktorning esa hokim oldida, hokimning esa Mirziyoev oldida hisobot topshirishi uchun kerak.

Biroq, rasmiyatchilikdan iborat bu tadbir yoshlar orasidagi ishsizlik muammosini hal qilishi dargumon.

Nasima Davron qizi
O‘zbekistonlik muallif tahallusi
Eltuz.com

Tag‘in o‘qing
15 sentyabr 2021
2020 yil oxiriga kelib O‘zbekistonning «Orient Group» kompaniyasi 700 million AQSh dollaridan ortiq investitsiya yig‘ib, mamlakatdagi eng badavlat konglomeratlardan biriga aylandi.  Shotlandiyaning sakkizta noma'lum mas'uliyati cheklangan sherikligi bu ...
4 iyun 2018
O‘zbekistonning 90 foiz bozorini egallagan qo‘shma korxona shaklidagi “O‘zBAT” aktsiyadorlik jamiyati 2017 yil yakunlari bo‘yicha 1 trillion so‘mdan ortiq ...
28 fevral 2019
O‘zbekiston futbol assotsiatsiyasi (O‘FA) 27 fevral kuni terma jamoaning sobiq murabiyi, bir yil burun «umrbod futboldan chetlatilgan» Samvel Babayanni ...
24 mart 2018
Sil (tuberkulyoz) kasalligiga qarshi kurash xalqaro kuni Jahon sog‘liqni saqlash tashkiloti tashabbusi bilan har yili nishonlanadigan esdalik sanadir. Bu ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...