Asosiy mavzular
16 fevral 2017

Shvetsiyada o‘ldirilgan o‘zbek jasadini vataniga qaytarishmoqchi

13 yanvar kuni kechga yaqin Stokgolmning janubida 35 yoshlardagi chimkentlik Shuhrat ismli o‘zbek muxojiri janjal ortidan pichoqlab o‘ldirildi.

Voqea Vesterxaning mavzeyididagi uyda sodir bo‘lgan.

Eltuz muxbiri voqea joyiga borib, qotillik tafsilotlarini mustaqil o‘rganishga harakat qildi.

Voqea qurbonini taniydigan, biroq o‘z ismini ochiqlashni istamagan shaxsga ko‘ra, o‘sha uyni ijaraga olgan o‘zbek yigiti va millati kavkazlik boshqa bir shaxs o‘rtasida janjal chiqqan va bu mushtlashuvga aylangan.

Oqibatda, kavkazlik ekani iddao qilingan shaxs, chimkentlik o‘zbekka pichoq sanchgan va voqea joyini tark etgan.

Janjal nimadan chiqqani hozircha noma'lum.

Mahalliy nashrlarning Stokgolm politsiyasidan iqtibos qilib bildirishicha, shu soatgacha qotil ushlanmagan.

Marhumning qo‘shnilari, o‘sha kuni mavze politsiya tomonidan o‘rab olingani, osmonda vertoletlar paydo bo‘lganini gapirishadi.

Qo‘shnilar shuningdek, kvartirada yashagan o‘zbeklar ba'zan musiqani baland qo‘yib, shovqin qilishlarini aytmasa, mavzeda bu kabi jinoyat ilgari bo‘lmaganini bildirishadi.

Biroq, marxumning tanishlari, qochgani iddao qilingan muxtamal qotilning hujjatlarini politsiyaga topshirishganini aytishmoqda.

Ma'lum bo‘lishicha, Shvetsiyada marhumning qarindoshlari yo‘q. Shuningdek, uning iqomat huquqi haqida ham Eltuz batafsil ma'lumotga ega emas.

BMT ma'lumotlariga ko‘ra, Shvetsiya qotillik jinoyati eng kam yuz beradigan mamlakatlarning biridir.

Ayni paytda, marhumning do‘stlari jasadni olish va uni vataniga jo‘natish harakatini boshlashgan.

Video: https://youtu.be/7yndTvrWb6Q

Qudrat Bobojon
videoreportaji
Eltuz.com

Tag‘in o‘qing
27 sentyabr 2016
Joriy yilning 7 oktyabrida Toshkentda ochilishi kutilgan Zamonaviy san'at Biennalesi qoldirilgani haqida rasmiy bo‘lmagan xabarlar urchidi. Bu yilgi Biennale ...
10 iyun 2021
Bir-biridan mustaqil manbalarning “Eltuz”ga bildirishicha, O‘zbekiston xalq ta'limidagi korruptsiyaning eng ochiq va ayovsiz ko‘rinishi chekka tumanlarda emas, xalq ta'limi ...
28 noyabr 2019
Turkiyada yashayotgan O‘zbekiston «Erk» demokratik partiyasi lideri Muhammad Solih 27 noyabr kuni «Nastoyashee vremya-Aziya» TV dasturi uchun bergan intervyusida ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...