Miyasidan o‘q yeb komaga tushgan Obid qori qaddini tikladi

Besh yil burun Shvetsiyaning Stromsund shaharchasida yollanma qotil tomonidan otib ketilgan taniqli imom Obidxon Nazarovning yaqinlari uning ancha tuzalib qolganini bildirishmoqda.

Imom uzoq yillar davom etgan komadan so‘ng, endilikda atrofni mustaqil kuzatib, fikrlaydigan, o‘rnidan turib qaddini rostlaydigan darajaga kelgan.

Eltuz muxbiri bilan gaplashgan imomning o‘g‘li Dovudxon keyingi kunlarda dadasining sog‘lig‘i bilan bog‘liq ancha ijobiy o‘zgarishlar bo‘lganini aytdi.

«Dadamning ahvoli ancha og‘ir edi. Uning asta sekinlik bilan oyoqqa turishlari deyarli hech kimning hayoliga kelmagandi» dedi Obidxon Nazarovning o‘g‘li jumladan Eltuz muxbiri bilan suxbatida.

Biroq, ayni paytda imomning to‘liq sog‘ayib, o‘z faoliyatini davom ettirishiga ancha borligini, o‘q asoratlari xanuz saqlanayotganini bildiradi u.

Imom Obid Nazarov O‘zbekiston vatandoshi bo‘lgan yollanma qotil Yuriy Yuukovskiy tomonidan 2012 yilning 22 fevralida Stromsundda otib ketilgandi.

Dastavval, 2015 yilning dekabrida esa Ostersund tuman sudi Yuriy Jukovskiyni 18 yilga ozodlikdan mahrum qilish haqida hukm chiqargan.

Keyinchalik, ikkala tomon shikoyatidan so‘ng Sundsvallda o‘tgan appelyatsiya sudi 37 yoshli Jukovskiyni umrbod qamoq jazosiga hukm etdi.

Dovudxon Nazarovning Eltuzga bildirishicha, Shvetsiya tergovchilari O‘zbekiston dohil suiqasdga aloqador yana boshqa shaxslarni ham aniqlagan va suiqasd surishtiruvini hali ham davom etmoqda.

Eltuz.com