Asosiy mavzular
8 aprel 2017

Ctokgolmda mashinani olomon ustiga haydagan kishining o‘zbek ekani gumon qilinmoqda

Stokgolmdagi terakt bo‘yicha O‘zbekiston vatandoshi ushlangan. Foto: Aftonbladet.se

Bu haqda yozgan, Shvetsiyadagi nufuzli Aftonbladet nashriga ko‘ra, 7 aprel kuni mashinani olib qochib olomon ustiga haydagan shaxs 39 yoshda va to‘rt farzandning otasi.

Xabarda gumonlanuvchining ismi aytilmaydi. Nashrning bildirishiga ko‘ra, u Stokgolmning chekka qismida yashaydi va qurilish shirkatida ishlaydi.

Shuningdek, yuk mashinasi Spendrups pivo shirkatiga mansub ekani ma'lum.

Eltuz muxbiri gumonlanuvchining oilaviy fotosuratlarini ko‘rdi ammo jurnalistik etika nuqtai nazaridan e'lon qilmaslikka qaror berdi.

Gumondorning tanishi rad qiladi

Qo‘lga olingan erkakning ayol tanishi Aftonbladet muxbiri bilan suhbatda, u «hech qachon siyosat yoki din haqida gapirmagani, faqat ish va oilasiga pul jo‘natish tashvishida bo‘lgani»ni bildirigan.

Ayolga ko‘ra, uning to‘rt nafar farzandi bor va u o‘zbekning teraktga aloqasi borligiga ishonmaydi.

Aftonbladet ma'lumotiga ko‘ra, ushlangan o‘zbekning feysbukida IShIDga oid tashviqot materiallari topilgan. Ammo feysbukda tashviqot maqolalari mavjudligi uning terrorchi ekanligini isbot qilish uchun yetarli emas.

Nima bo‘lgan edi?

Yettinchi aprel kuni, noma'lum shaxs yuk mashinasida Stokgolm markaziy ko‘chasi Drottninggatanda bir necha odamni bosib ketgan va Åhlens cavdo markazi binosiga borib urilgan edi.

So‘nggi ma'lumotlarga ko‘ra to‘rt nafar odam halok bo‘lgan, 15 odam jabrlangan.

Shved hukumati hodisani terakt deya baholamoqda.

Kunduzi poytaxt markaziga boradigan yo‘llar, jumladan metro stantsiyalari to‘xtatilgan.

Aftonbladet boshqa bir xabarida shuningdek, Stokgolmning Arlanda aeroportiga yaqin Marshta mavzeyidan ushlab kelingan bu shaxsning aybiga iqror bo‘lganini bildirgan edi.

Shuningdek, shved matbuoti xabarlarida uning sherigi ham qidirilayotgani aytiladi.

Internetdagi ayrim munozara saytlarida 7 aprel kechqurun ushlangan shaxs 39 yoshli Rustam Ahmedov ekanini aytishmoqda.

Ammo bu ism rasmiy habarlarda yo‘q.

Eltuz voqeani kuzatishda davom etadi. Nashrimizni kuzatib boring

Qudrat Bobojon
Shvetsiya, Stokxolm
Eltuz.com

Tag‘in o‘qing
25 noyabr 2016
Eltuz.com uchun chizgan navbatdagi karikaturasida rassom Tuz Shavkat Mirziyoevni Karimov qabridan estafeta tayoqchasini olib ketayotgan tarzda aks ettiradi. «Karimovning ...
5 aprel 2021
Farg‘ona shahrida yashovchi 32 yoshli Dilafro‘z Umarova 2021 yilning fevral oyi boshida prezidentning viloyatga tashrifi vaqtida uyidan mulozimlar tomonidan ruhiy kasallar shifoxonasiga majburan olib ketilgan.  ...
15 yanvar 2019
Samarqandga tashrifi chog‘ida O‘zbekiston prezidenti Shavkat Mirziyoev yangi soliq siyosati doirasida joriy yil yakuni bo‘yicha respublikada 5,5 trln so‘m ...
1 noyabr 2021
Toshkentdagi “Hamar” badiiy galereyasi ko‘rgazmalar zalida 1 noyabr kuni taniqli rassom Shuhrat Bobojon asarlari ko‘rgazmasi taqdimoti bo‘lib o‘tdi. “Gilamda ...
Bloglar
23 may 2022
(Taniqli shoir va siyosatchi Muhammad Solihning “Imperativ” kitobidan 50-qism. Audiokitob matnini muallifning o‘zi o‘qigan) «Sof ...
17 may 2022
(Taniqli shoir va siyosatchi Muhammad Solihning “Imperativ” kitobidan 49-qism. Audiokitob matnini muallifning o‘zi o‘qigan. Davomi ...
11 may 2022
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...