Catira
24 aprel 2017

Jurnalistika – hukumatning zanjirband iti emas, balki mustaqil institutdir

So‘nggi ikki hafta davomida o‘zbek televideniesining bosh xabar dasturlari «Davr» va «Axborot»da sezilarli o‘zgarishni kuzatish mumkin.

Teleko‘rsatuvlarda garchi, yangi prezidentni maqtash, Shavkat Mirziyoevga ta'zim keltirish to‘xtagani yo‘q, biroq barcha uchun kutilmaganda, jurnalistlar oddiy odamlar turmushiga g‘amxo‘r bo‘lib qolishdi.

Yuqorida keltirilgan telekanallarda Toshkentning Chilonzor va Olmazor tumanlaridan hujumkor reportajlar tayyorlandi. Bu reportajlarda, mahalliy hokimlar ayovsiz tanqid qilindi, buzilgan yo‘llar, avariya xolatiga kelib qolgan ko‘pqavatli uylar, suv toshib ketgan podvallar ko‘rsatildi. Jurnalistlarning kamerasi maktab muzxonasigacha yetib bordi va hatto tomoshabinlar u yerdagi sasigan go‘shtni ko‘rishlari mumkin bo‘ldi.

Ayni tanqid mamlakat prezidenti ushbu hokimlarni ishdan olishi ortidan yangradi.

Olmazor tumanidan tayyorlangan lavha mualliflari, bu ahvol ayni tumanlargagina emas, balki butun tizimga taalluqli ekanini taxmin qilishgacha borishdi.

Balki siz, buning nimasi yomon, deya so‘ramoqchidirsiz?

Ommaviy axborot vositalari mustaqil va muhim davlat instituti hisoblanadi. Shunchalik muhimki, ularsiz mamlakatning samarali rivojlanishi mumkin emas.

Amerika prezidenti Tomas Jefferson, garchi o‘zi ham jurnalistlar dakkisini ko‘p yegan bo‘lishiga qaramay, agar matbuot va hukumatdan birini tanlash lozim bo‘lsa, hukumatni emas, matbuotni afzal ko‘rishini aytgan edi.

Yillar davomida allaqaerdagi yutuqlar haqida aytib kelgan o‘zbek televideniesi jurnalistlari, matbuotning erkinligi uning hukumatdan mustaqil ekanini anglatishini tushunishlari lozim. Mamlakatda juda ko‘p muammolar yig‘ilib qolgan, bu haqda prezident gapirmasidan oldinroq aytishga urinib ko‘ring.

Umida Niyazova
Eltuz.com

Tag‘in o‘qing
16 sentyabr 2019
Sorri, albatta, biroq men progressiv Prezidentimizning kechagi farmonini tushunmadim. Nimaga to‘y industriyasini buzish kerak? Hozir to‘y an'analaridan, ayniqsa, badavlat ...
10 aprel 2020
Kemaga chiqqanda yuzlarcha sayyoh,Bo‘lishar bitta jon, yagona tilak.To‘fonga duch kelib to‘zg‘isa nogoh,Ajal yaqinlashsa, jonlari bo‘lak. To‘lqinlar chiqargan sandiqda marjonQolib ...
16 avgust 2018
Dunyoda eng uzoq muddat qamoqda o‘tirib chiqqan 64 yoshli jurnalist Muhammad Bekjon «Alvido, Jasliq!» kitobining navbatdagi bobida bir kishilik ...
2 oktyabr 2018
Taniqli o‘zbek shoirasi 59 yoshli Zulfiya Mo‘minova respublika TVsi orqali o‘qib bergan yangi she'rida bolani «dunyolardan bexabar oq kaptar»ga, ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...