Kundalik
18 yanvar 2016

Sudlanuvchi Aramaisning turmush o‘rtog‘i yo‘qolib qoldi

Ulug‘bek Ashur
Eltuz.com

Bugun Jizzaxda IShIDga aloqadorlikda ayblanayotgan armani millati va nasroniy diniga mansubligi aytilayotgan jizzaxlik Aramais Avakyanning sudi davom etdi. Biroq ayrim sud ishtirokchilari va sudlanuvchilarning yaqinlari bilan aloqa uzilgani turli havotirlar uyg‘otmoqda.

Xususan, shu kunlarda sudi bo‘layotgan jizzaxlik fermer Aramais Avakyanning turmush o‘rtog‘i Shirin Tursinova, 18 yanvar kuni Paxtakor tumani xokimligi vakillarining taklifi bilan, tuman xokimiyati binosida soat ertalabki 10 ga belgilangan uchrashuvga ketganicha, boshqa aloqaga chiqmadi.

Shirin Tursinova, turmush o‘rtog‘ining o‘tgan yili 4 sentyabrda, niqobli maxsus xizmat xodimlari tomonidan o‘g‘irlab ketilgani va tergov davomida qattiq qiynoqqa solingani xaqida xorijiy ommaviy axborot vositalariga gapirib keladi.

Shu kunlarda, Konstitutsion tuzumga tajovuz qilish, taqiqlangan tashkilotlar tuzish va qo‘poruvchilik kabi og‘ir ayblovlar bilan sudlanayotgan Aramais Avakyan esa, o‘tgan xafta bo‘lib o‘tgan sud majlisida o‘zining aybsizligini va tergovda qiynoqqa solinganini aytgan edi.

Aramaisni yaxshi tanigan va tuman xokimiyatiga yaqin bo‘lgan manbaalarga ko‘ra, fermer Aramais va uning ishchilarining boshiga tushgan ko‘rguliklarga uning baliq yetishtiruvchi xo‘jaligi sabab bo‘lgan.

Paxtakor tuman xokimi G‘ofur Qarshiboev bir necha marta Aramaisga, baliq xo‘jaligini topshirishni talab qilgan, ammo fermer xokimga, baliq xo‘jaligiga sarflagan xarajatlari to‘liq qoplangani taqdirdagina xo‘jalik xujjatlarini topshirishini aytib kelgan.

“O‘g‘limning baliq xo‘jaligini tortib olish uchun mana shunday o‘yinlar chiqarishdi” deydi Aramaisning onasi Flora Sakunts.

4 sentyabrdan beri hibsda qolayotgan jizzaxlik fermer Aramais va uning sheriklari ustidan sud 6 yanvar kuni boshlangan edi.

Bugun 18 yanvar kuni Jizzax viloyat jinoiy sudida Aramais Avakyan va uning sheriklarining navbatdagi sud majlisi bo‘lib o‘tayapti, biroq bu majlisga Aramaisning turmush o‘rtog‘i Shirin kelmadi. Chunki uni bugun Paxtakor tumani xokimiyati vakillari “maslaxatli ish bor” degan baxona bilan uchrashuvga chaqirishgandi.

Shirin bizga ertalab aloqa chiqdi va “Tuman xokimi men bilan bir nimalar xaqida gaplashmoqchi ekan, maxalla raisi orqali menga ertalab soat 10 da xokimiyatga kelishimni aytishdi” dedi.

Mana oradan 5 soat vaqt o‘tdiki, Shirin boshqa aloqaga chiqmadi. Soat 2 ga belgilangan sud majlisida xam Shirinni ko‘rishmagan.

Tag‘in o‘qing
31 yanvar 2018
31 yanvar kuni MXX raisi Rustam Rasulovich Inoyatov ishdan bo‘shatildi. Bu haqda O‘zbekiston prezidentining MXX va prokuratura xodimlari ishtirokida ...
8 may 2015
Ishdan bo‘shatilgan Lenta.ru axborot saytining bosh muharriri Galina Timchenko o‘z kasbini pitstsa tarqatuvchining ishi bilan qiyosladi. Agar pitstsada murch ...
6 iyun 2016
O‘tgan oy O‘zbekiston telekanallari «ish»ni 9 may- Xotira va qadrlash kuni munosabati bilan yurtboshining urush faxriylariga ko‘rsatgan «ulkan ehtiromi ...
17 fevral 2017
Andijon shahrida fevral boshida faoliyati taqiqlangan “Damas” mashinalari tumanlarga ketib kirakashlik qilmoqda. Bu haqda Eltuz muxbiriga bildirgan andijonlik 28 ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...